يا جوهرة متعب كفيني ضياع

Part 14

أخذت نفس تناظر مقفاه اللي اختفى من أمامها تحفر أضافرها بكف يدها و من سمعت كلمته " الله الله في بنت متعب " انهمرت دموعها و كتمت شهقاتها اللي كان الكل ملاحظها تتعذر منهم و تصعد جناحهم تنهار براحتها تتمنى من ربها يرجعه لها سالم ،غفت عينها و هي حاضنه وسادته لحضنها تشم ريحته و تحسس نفسها بالأمان ، صحت تستغرب الظلام و تدرك انها نامت كل هاذي الفترة من الحزن استغفرت ربها و مشت تتوضأ و تصلي و تنجي ربها في مكانها و تقوم تتجهز و ترتب شنطتها و تنزل تحت تسلم على الكل الجدة عماتها إلى البنات و كذلك الجد محمد و العم عبدالله اللي وصواها على نفسها و كررو اكثر من مرة " حنا هلتس " ابتسمت لهم ترد عليهم
الجوهرة : و النعم بهلي
مشت برا تخطي خطواتها لسيارة اخوها حمد و استوقفها صوت كانت تبغضه : بنت متعب
لفت تواجهه تناظر فيه و هو كذلك ينطق من مسافته البعيدة : السموحة منك على ما جاك مني
سكتت لثواني تنطق : كلامك صادق من صميمك
ياسر بندم على افعاله : إيه صادق أنا نادم
الجوهرة : مسموح
ياسر : أصيلة يا بنت متعب
ما ردت عليه و اكتفت بسكوت و هو مشى يتركها تظهر ، ركبت السيارة و حمد أخذ شنطتها يتوجهون لبيتهم اللي ما كان بعيد تشوف قدامها ابوها اللي استقبلها بالحضن يدخلها داخل يلمها تركي و تدخل تبوس راس جدها و جدتها اللي ما تركتها لدقايق طويلة

الجدة : عساك بخير يا عيون امك

ابتسمت : بخير فديتك عيونك

ابتعدت عنها تشوف خلود اللي دايم توقف بعيد لانها تشوف نفسها ما تستحق تكون اول من يضمها و يقبلها لانها مب امها الحقيقة ، نطقت الجوهرة بعبرة وهي تشوف الشوق بعيون خلود

الجوهرة : ما تبيني يمه

ابتسمت خلود تنزل دموعها بعجز تفتح ذراعيها تستقبل الجوهرة بكل حب تقبل راسها وخدها و يديها

الجوهرة : جعلني ما خلا منتس يمة

خلود : ولا منتس

ضحكت من سمعت صوت هتان اللي توهها جت من بيتها من درت بوجودها

هتان : شو ذا الخيانة بوسات و احضان

ابتعدت عن خلود بعد ما قبلت راسها تمشي لهتان : اشتقت لك يا قلبي

هتان : اقدر شعورك

الجوهرة : حيوانة

هتان : وانا اشتقت لك اكثر يقول حمد بتنامين هنا

الجوهرة : ايه

اخذت العاملة شنطة الجوهرة و ودتها غرفتها ، جلست بينهم كلهم عائلتها ابوها وامها خلود وجدها و جدتها و خوانها وحريمهم و هتان جنبها يسولفون كلهم عليها و في لحظات صمت نطق حمد

حمد : شوه المفاجئة اللي قلتي بتقولينها

تركي : اي مفاجئة

هتان : شعندك