يا جوهرة متعب كفيني ضياع

Part 6

فتح عيونه من تهدى على مسمعه صوت التكبيرات يعتدل يشوف الانثى اللي نايمة بحضنه و ملامحها المتجهمة مثل الاطفال و شعرها منثور بفوضوية ، مد يده لخدها يمسح عليه بخفة و يناديها ، فتحت عيونها بخمول تشوفه و تهمهم له

مهاب : قومي اذان

هزت راسها تفتح عيونها من شافته ما تحرك ينتظرها ، مسحت ملامحها بتعب تقوم و سرعان ما استوعبت يحمر وجهها خجل وتشد اللحاف على جسمها تبتعد من حضنه بسرعة اما هوه باس راسها و توجه للحمام (الله يكرمكم) يتوضى ، قامت من سمعت صوت الماء تسحب روبها اللي على الارض و تلبسه و تمشي للمراية و تشوف اثار ليلتهم على عنقها تتحسسها و ترتب شكلها تلف عليه من خرج و تشتت نظرها بخجل تمشي الا انه مسكها يحاوط خصرها بيد و يتحسس ملامح وجهها بيد

مهاب : مالنا صباح الخير

رفعت عيونها له : صباح الخير

ميل راسه يناظرها : بس

عضت شفتها : بتتاخر على الصلاة يلاه

اشر على خدها يبا منها قبلة

قبلته على خدها و ابتعدت : يتقبل الله

ابتسم : منا و منتس

مشت تدخل دورة المياه تتركه لان شكله ما بيمشي بطيب ، مشى من اختفت من نظره يتجه للمسجد يصلي و يسلام على الناس يجلس معهم قليل و يرجع لها

عند بطلتنا ، صلات و عدلت شكلها بشكل خفيف و جهزت فطور لطيف على جحمهم و ردت شيكت اذا ناقضها شيء لحد ما جاء من خلفها يحاوطها بابتسامة

مهاب : شو تسوين

شهقت تلف : متى جيت

مهاب : انحين

الجوهرة : تعال سويت فطور

مهاب : ايه كذا الله الله فينا

لفت عليه تناظره بنص عين : اللي يسمعك يقول مهلكتك

اقترب منها يمسح على خدها بيده و بابهامه شفتها

مهاب : اشهد انك مهلكتني

ناظرت بعيونه بحب وعلى ثغرها ابتسامة خجولة و سرعان ما توردت يقلب لونها احمر من نظراته تناظر شفته من حست بابهامه يمسح على شفتها

ضحك يبتسم ابتسامة لعوبة من نظرات عيونها و احمرار ملامح وجهها مفضوحة تحبه و تعشقه

مهاب : ودك به

ارتفعت عيونها له بخجل من استرجعت ذكريات امس تبتعد كم خطوة تغطي وجهها بكفوفها تصرخ من سرعة نبضات قلبها

الجوهرة : لااااا

ضحك بصدمة من صراخها : وش اللي لا

عضت شفتها تلف وهي عقده حواجبها : ما ودي ب

ما كملت من مد يده يجذبها يحاوط خصرها يقرب وجهه ويركز نظره على شفتها وهي كذلك

مهاب : وش الحل انا ودي به