يا جوهرة متعب كفيني ضياع

Part 16

فتح عيونه بتعب على صوت الآذان يعتدل بجلسته يقرأ أذكاره يلف عليها يشوف التعب واضح عليها يخليها تنام و يمشي لدورة المياه و هو يستند على الجدار يدخل يتوضأ و يظهر برا ما قدر يمشي اكثر لاجل يصلي في المسجد يفرش سجده بالصاله و لحقوه جميعهم يصلي فيهم الجد و يمينه شريف و يساره مشاري يساعدونه بالركوع ، صلا و جلس مكانه لان ما قدر يقوم من الوجع يقرأ الأذكار و يدعي مكانه و بعد مدة قام يوقفه أبوه و قبل لا يجلسه على الكنب اصطدم فيه جسد و ما كان إلا جسدها ، قامت من لحظات تتحسس مكانه و تعتدل مفجوعة تدوره بالغرفة و بدوره المياه تلبس أي شيء ساتر قدامها و تلف الطرحة عليها تظهر بسرعة متناسية نقابها تدوره و تناديه و اول ما حددته ركضت تحضنه أمامه جميعهم و الكل كان تحت حالة اندهاش اول لأنها بدون نقاب ثانيا لأنها ركضت حضنته ، دفن وجهها في صدره لاجل لاحد يشوفه و اساساً الكل صد عنها سمعها تبكي و تقول بدون وعي
الجوهرة : انت حقيقة والله انت حقيقة والله
تنهد ما عرف يعصب عليها ولا يرحم حالتها حاول يمشي بس ما قدر ينطق باسمها
مهاب : جوهرة
حاولت ترفع راسها بس ما قدرت بسبب يده اللي خلف رأسه ينطق يكمل بصوت هادي : جوهرة أنا حي بس انت بتقتليني
الجوهرة : إيش
مهاب : انتي وجهك مكشوف غطي وجهك و روحي الغرفة
شهقت تستوعب تسكت شهقاتها و ترفع يدها لطرف طرحتها تبتعد عنه و تغطي وجهها تمشي بسرعة للغرفة تفكر بعواقب فعلتها و باحراجها منهم و ما جاها إلا قبلة على مقدمة رأسها و كلمة اجبرت قلبها

مهاب : ارحمي نفسك

الجوهرة : والله بدون قصد

ابتسم مهاب يناظر بعيونها : اكيد بدون قصد اجل متعمدة

ابتسمت تبعد يديه عنها و تجلس يجلس جنبها ينطق : وش فيك مب ظاهرة

الجوهرة : لا

مهاب : ليه

الجوهرة : خجلانة اخرج احس احراج

مهاب : احراجك ما بيختفي لحد ما تقابلين الناس

الجوهرة : لا ما ابي

مهاب : اظهري قابلي الناس

اتسطحت تغطي وجهها تنطق من تحت الفراش : لا

تنهد يقوم يخرج برا يجلس مكانه يسمعهم يسولفون و يتناقشون درى ان جود حامل و بارك لها و لرماح و بارك لشريف و مشاري على زواجهم و جلس مع عمته هيام يبي يرفه عنها لان المجرم اللي كان يدوره لشهور ما كان الا اخوها

هيام : لا والله يا ولدي صح اني حزينة بس حزينة على نهايته ليته كان من الصالحين لكن هذا قدره

قبل راسها و نطق : لا تواخذيني يا عمة لكن ما في اعلى من العدالة

ربتت على كتفه : و انت صادق اللي سواه يخليني اطمس راسي بالتراب لكن الله المستعان