يا جوهرة متعب كفيني ضياع

Part 13

في مكان اخر و ابدا مب في المدينة ، في الديرة و في بيت الشيخ رماح وفي غرفته بالذات صحت جود متضايقة من نور الشمس المتسلل ينور الغرفة كلها ، صحت شبعانة نوم تستغرب النور و تستغرب عدم وجوده و من مدت ايدها انصدمت من كونه العصر و هي توها نايمة مب معقول تنام الوقت هذا كله ، اعتدلت بجلستها تحس نفسها خفيفة و من ناظرت نفسها خجلت تاخذ روبها المرمي تلبسه و من الاحراج اللي تحس فيها غطت وجهها و ما امدى خجلها يروح تسمع صوت فتح الباب تحس بقلبها بيخرج من مكانه تشد على روبها و هوه اللي ابتسم ينطق

رماح : توك صاحية

عضت شفتها تهز راسها بايه ، لفت تهرب لدورة المياه بخطوات سريعة وهي للان قلبه يخفق بارتباك بوجوده ، جلس على الكنب ينتظر خروجها و هي اللي طلعت من دورة المياه و خدودها حمر من تفكيرها ، اخذت ملابسها وهي تحس بعيونه عليها غيرت و صلت صلاتها ترتب شكلها و تتوجه له بخطوات بطيئة و هو اللي فتح ذراعيه لها يبتسم من تذكر امس كيف كانت بعدها زعلانة من هواشتهم لكنها تحاول ما تبين و تبتسم له رغم سبب المشكلة تافه الا انه اثر عليهم بشكل

" ثرو باك " اخذها بعد ما تعشو برا و كانت صدمة لاهل البيت اللي كان معروف عنه ما يطلع بعد اليل و ما توقعو ياخذ حرمته مكان باليل بالديرة بس هو ما همه الا للي عيونها ما تضحك ، خرجت خلفها باستغراب تتدور في راسها سنيورات غبية كيف واحد حرمته و يذبحها بعيد المهم مشت تركب السيارة بصمت تنطق وهي ما تدري ليش رفعت عن وجهها يوم كلمته

جود : رماح وين بنروح

ما انتبه لها الا يوم لف لها يمد ايده يغطي وجهها ينطق بدون ما يجرحها : ليش كشفتي عن وجهك

عضت شفتها ترفع كتوفها بعدم معرفة يحس بانه انكسر خاطرها يميل جسده لها و يطبع قبله على مقدمة راسها بتقدير و يمسك ايدها اليسار بايده اليمنا ينطق بصوته الغليظ وهو يوجه انظاره للطريق

رماح : لا تزعلين الزعل ما يليق بعيونك

ابتسمت بالرغم ان ابتسامتها ما تبين تكرر سوالها : رماح وين بنروح

رماح وهو يناظر الطريق : نوسع صدرك

ما فهمت تلف عليه بتساؤال وهو اللي نطق يمازحها : يقولون تحبين القهوة ولا نعود

نطقت بصوتها اللي وضحت فيه الفرحة : الا احبها

تمتمت : و احب كونك ترضيني

رماح : قلتي شيء

جود : لا رماح عادي اشغل اغاني ولا

رماح : حلالك

همهمت له و نطق هو : شو كنت تسمعين في اليلة اللي تقابلنا و احن على الخيول

ضحكت تنطق بخجل من اسم الاغنية : خبروه اني على وصله حييت