يا جوهرة متعب كفيني ضياع

Part 8

في المركز خرج من غرفة التحقيقات و هو ما حصل اي معلومة عن فيصل كله عن بهرم و كيف عنده نشطات وسيعة غير قانونية خارج البلاد وفي العالم الأسود و الآن هو يمشي للرجل اللي نطق باسم زوجته و نسبه له رايح يهد فكه اللي نطق به وضلوعه بكبرها ، دخل الغرفة يشوف ارتباك الطرف الاخر نطق مهاب يسال هذا الشخص من لا هو من الجماعة و لا من معارفها

مشى له يوقف قدامه وينطق بغضب : من انت

وليد : انت اللي من و باي حق تحتجزني

مسكه مهاب من ياقته يصرخ : باي حق لا تخليني ارويك باي حق من انت

وليد و هو يحاول يخفف من مسكة مهاب : انت اللي من و وش يربطك بالجوهرة و وش يخص

ما كمل من خنقه مهاب بقوة من طرا اسمها على لسانه يمشي به للجدار يرقعه و يصرخ بحدة و كل ملامحه انقلبت للون الاحمر بغيرة

مهاب : ااااقطع

دخل مشاري بسرعةرمن سمع الصريخ يشوف مهاب يخنق وليد يدفه و يسحبه بعيد : هد ياخوي وش فيك

مسح مهاب على وجه وصدره يعلى و يهبط يرجع يمشي يدخل : الكلب هذا بيقول منو هو

مسكه مشاري من صدره : وش له انا اجيب لك من هو لا توسخ ايدك به

زفر بغضب يمشي مكتبه يسند ظهره على الكرسي يغطي عيونه بايديه لفترة و يعتدل من جاه مشاري و هو عاقد حواجبه يجلس بالمعقد الاخر

مهاب : وش لقيت

مشاري : وليد بن فيصل العمر 23 امه ريم له اخوين من نفس الام والاب وله اخت نفس الام الاب غير

سكت يناظر مهاب ، رفع مهاب عيونه له و هو عاقد حواجبه يحثه يكمل

مشاري : الاخت الجوهرة بنت متعب

مهاب بصدمة : وش

مشاري : اخوها من نفس الام

ناظره لثواني و هو كان يعرف بان خلود ما هي امها الحقيقة لكنه نسى كونها معها بكل لحظة ولا يبين اي خطاء و يشوف كثير الحب بينهم

وقف ينطق : تسلم يا مشاري

ابتسم مشاري و مشى مهاب يتركه يمشي للغرفة اللي بها وليد يدخل يشوف فزت وليد يجلس بهدوء و ينطق بامر

مهاب : اجلس

جلس وليد و نطق بعد فترة : وش التهمة اللي انا محجوز عشانها

ناظره مهاب بهدوء في شبه قليل جدا تشبه هي تركي وحمد اكثر نطق : بتهمة التعدي و التجاوز على حرمي

وسع عيونه وليد يوقف و ينطق بصدمة و بنبرة شبه عالية : وش؟؟ وش قاعد تقول انت

ناظره مهاب وهو جالس يسمعه

وليد : انت زوج الجوهرة ؟؟

اخذ وليد الاجابة من نظرات مهاب اللي وقف ينطق : وانت من