يا جوهرة متعب كفيني ضياع

Part 15

صاحت جود وهي تشوف الجوهرة بحضنها فاقدة الوعي و الدم ينزل منها صرخت : يبــــــه يبه الحق شريف

ظهرو على صوتها حتى الرماح اللي بالمجلس ظهر و هو ما يعرف بشيء ابدا ولا ظهر احتراما لخصوصيتهم لكن من سمع بكاها ظهر و من لاحض البنت اللي بحضنها صد ، ظهر عبدالله يشوف الجوهرة مغمى عليها يرتجف بخطواته ينطق

عبدالله : لا يا اخر ما تبقى منه لا يا امانته

وقف مكانه بذهول و من شاف ياسر ينوي يشالها تحرك يبعده و يشلها هو كونه ما يصح و حلال يشلها ياسر هو عمها ، شالها وهو في راسه شي يتكرر " لا تروح امانه مهاب " اسعافها المستشفى هو وشريف و بقى ياسر وحسين بالبيت

مشى الجد و زياد خلف سيارة عامر و ماهر يدلونهم على المستشفى وصلو و توجهو و رجول الجد تخونه يخاف يكون قولهم حقيقة كل خطوة خطاها رجاء ربه ينجي من الحزن يرجي ربه يكون حفيده و الاكثر ولد من اولاده حي ، مشو خلف عامر وماهر يشوف عساكر كثير حول وحدة من الغرف و ما كانت هاذي هي غرفة مهاب اللي يذكرونها ، قبل لا احد يتكلم نطق الجد و هو يسند نفسه على زياد اكثر خايف من اجابة سؤاله

الجد : ولدي وين مهاب وين

سعد : اهدا طال عمرك و صل على النبي

الجد : عليه الصلاة و السلام

مسك سعد يد الجد الثانية و دخله الغرفة تطيح عيونه على الراقد على الفراش تحاوطه الاجهاز و الدكتور جنبه ، دمعت عينه و ظهرت منه اه طويلة ظهرت من قلبه يلتفت على ولده زياد

الجد : حي مهاب حي

لف الجد على سعد : كيف صار يا سعد كيف

سعد : ولدك بطل طال عمرك خلاص قضية لها سنين و دفع الثمن لوحده

ترك يد زياد يمشي للدكتور بارتجاف ينطق : كيف حاله

الدكتور : عالجنا الجروح و سوينا اللي علينا و الباقي على عزيمته

مشى الجد لمهاب يتلمس وجه بحزن

الجد : تبكينا عليك يا مهاب ارحم شيبي و قم يابوي

وقف من الطرف الثاني يقبل راسه : الله لا يفجعني بك

الجد : بشر اخوك يا ابوي

نطق سعد باستغراب بعد ما هدو : وش اللي خلكم تظنون موته

الجد : جونا اثنين واحد ينقال له ماهر و الثاني عامر يقولون ولدكم مات جلطونا جعلهم ماني بقايل

سعد : حسبي الله على عدوهم و الله لا ظهر خوفكم من عيونهم

دخل الدكتور يطلب منهم الخروج

الدكتور : المريض يحتاج راحة

انحنى الجد يقبل راسه : الله يقومك بالسلامة