කාල ( 𝐊𝐀𝐀𝐋𝐀 ) 𝐓𝐊 ✔✔

• 11 කොටස •

" ගුරුකම් සාත්තරේ ඉගෙන ගන්න අතරෙම ඔය මගුල් කරන්න ගියාට කමක් නැහැ .. ඒත් උබ අපේ පරම්පරාවේ සාත්තරේ සම්පූර්ණයෙන්ම අමතක කරලා ඕවා කරනවා එහෙම නෙමෙයි .. "

" මම වතාවකුත් මැණිකෙට කියලා තියෙනවනේ මම ඉගෙන ගෙන තියෙන ගුරුකම් සාත්තරේ හොදටම ඇති කියලා .. එක එකාට වින කර කර ඉන්න මට ඕනේ නැහැ .. ආරච්චි හාමු මට නාඩගම් වල රග පාන්න යන්න දිගටම කතා කලා .. හොදට කාසි පනම් එහෙමත් මට ලැබෙයි .. මම ආස දේකින් ලැබෙන කාසි වල සතුට තව එකෙක්ට විනයක් කරලා ලැබෙන කාසි වල නැහැ .. "

" උබට දෙයක් කිව්වොතීන් එකට දාහක් ඇනුම් පද කියන්න පුලුවන් .. උබ ඔය මල ඉලව්වට මැරී ගෙන ආස උනත් මම නම් ඔය ඉලව්වට වැඩි මනාපයක් නැහැ .. නාඩගම් නැගලා මදි උබ ගුරුකම් සාත්තරෙත් ඉස්සරහට ගෙනියන්න ඕනේ "

චේතු කෙතරම් ගුරුකම් ශාස්ත්‍රය ඉගෙන ගන්නට අකමැති උනත් අරුන්දතී හට ඕනෑ උනේ තමන් ගෙන් පසුව චේතු මෙම ගුරුකම් ශාස්ත්‍රය ගෙන යනවා දකින්න . නමුත් නාඩගමෙහි රග දැක්වූ දා ඉදන්ම චේතු හට තවත් දුර බැහැර පලාත් වල නාඩගම් රග දක්වන්න එක පිට එක යෝජනා පැමිණෙන්නට ගත්තා . එහෙත් තවමත් තමන් ස්ථීර ස්ථාවරයක නොසිටී නිසාම චේතු ඒ සියලු යෝජනාවක්ම ප්‍රතික්ෂේප කලා .

චේතු තම ඉදිරි කාලයත් නාඩගම් කරමින්ම ඉන්නවා දකින්නට අරුන්දතී අකමැති උනු නිසාම නිතර දෙවොලෙහිම චේතු හට බැන වදිමින් චේතු ගේ හිත වෙනස් කරන්නට අරුන්දතී වෑයම් කලා . නමුත් කොයිම වේලාවක වත් තමන් ආසා කරන දෙය අත් හැර ගුරුකම් ශාස්ත්‍රය ප්‍රගුණ කරමින් අරුන්දතී එක්කලා සම්බන්ධ වන්නට චේතු තුල මනාපයක් නොතිබුනා . එම නිසාම සුපුරුදු ලෙස චේතු ත් අරුන්දතී ත් සමග නිතරම වාද විවාදයන් හුවමාරු උනා .

" මැණිකෙට බැරිද එක පාරක් වත් මගේ ජීවිතේ මට ඕන විදිහට මට ජීවත් වෙන්න ඉඩ දෙන්න .. ?? හැබැයි මැණිකේ දිගටම මට ඔය ගුරුකම් සාත්තරේ කරන්න බල කලෝතින් අම්මපා මම වලව්වෙන් දොට්ට බහිනවා "

චේතු තමන්ගේ දඹර ඇගිල්ල අරුන්දතී දෙසට දිගු කරමින් කියන විට අරුන්දතී ගේ වචන ලොප් උනා . මොන දෙ කලත් සිද්ද උනත් චේතු තමන් ගේ එකම දරුවා උනු නිසාම ආරවුලක් නිසා චේතු වලව්ව අත හැර දමා යනවා දකින්න අරුන්දතී හට වුවමනා නොවුනා .