කාල ( 𝐊𝐀𝐀𝐋𝐀 ) 𝐓𝐊 ✔✔

• 26 කොටස •

" උබ සේරම දේවල් අර ගත්තද කාල .. ?? "

" කිණිස්සකුයි වළදකුයි අර ගත්තා .. කොහොමත් වලව්වට ඇවිත්නේ ඉතිරි හරිය කරන්නේ .. "

" හ්ම් එහෙනම් යමන් දොළ දිහාවට තවත් සුලංගු නොකර .. "

රාස්සිගේ අව් වැටෙන ගිනියම් මධ්‍යයහනයේ කාලත් චේතු දොළ දිහාවට යන්න සූදානම් උනා . දොළෙහි මසුන් බෑමට හොද මුවහත් කිණිස්සකුත් අල්ලා ගන්නා මසුන් එක්කාසු කර ගැනීමට මැටි වළදකුත් අර ගත්තා . අත්‍යවශ්‍ය සියල්ලක්ම ලක ලෑස්ති කර ගැනීමෙන් පසු කාලත් චේතුත් දොළ අද්දරට අවුත් ගෙන එන්නට ආ බඩු බාහිරාදිය කළු ගලක් මතින් තියන්නට උනා .

" ඔන්න කලින්ම කීවා උබට මට නම් බැහැ මාළු අල්ලන්න .. උබ අල්ලපන් මං උබ හරියට මාළු අල්ලනවද කියලා බලන්නම් .. "

" උබ වගේ සූත්තර එකෙක් නම් මම ජීවිතේට දැකලා නැහැ චේතු .. "

" අනේ නිකන් ඉදින් .. මං උදේ වලව්වෙදිම උබට කලින්ම කීවනේ මට මාළු අල්ලන්න බැහැයි කියලා .. ඒත් උබටනේ රුදාව තිබුනේ දොළට ඇවිත් මාළු අල්ල ගන්න .. "

" හරි එහෙනම් රුදාව තියෙන්නේ මට නිසා අල්ල ගන්න මාළු ටිකත් උයා ගෙන මමම කාලා අහක් කරන්නම්කෝ .. "

කාල චේතු දෙස බලමින් තම දෑස් තරමක් හීනි කරමින් කියන්නට වූ දෙයත් සමගම චේතු ගෙහි මුහුණ ඇද වන්නට උනා . දොළ අද්දරට අවුත් මසුන් අල්ලන්නට චේතු තුල මනාපයක් නැති වූවද අල්ලා ගන්න මසුන් හොදට උයා පිහා ගෙන කන්නට නම් චේතු ඉහටත් උඩින් ආස කලා . වැඩි ගින්දරට හසු වී කර වූ රොටියක් මෙන් චේතු ගෙහි මුහුණ අදුරු වී ගියා . නමුත් කාල නම් චේතු ගෙහි බැල්ම නොසලකා හැරියා .

" මාළු අල්ලන්න බැහැයි කිව්වට කන්න බැහැයි කියලා මං කීවේ නැහැනේ .. "

" මං දඹරේ දාලා මාළු අල්ලන්නයි උබ ඒවා උයා ගෙන රසට කන්නයි උනාම හරියිද දැන් .. ?? "

" කවුද කියාපන්කෝ දැන් ඔය මාළු උයන්නේ .. ?? ම්ම් ඒ මමනේ .. එහෙනම් උබට මාළු අල්ලලා දෙන්න බැරි කමක් නැහැයිනේ .. ?? "

චේතු තම තොල් එකිනෙක තද කරමින් කාලව නිරෝත්තර කරන්නට උනා . චේතු ගෙහි කතා ලීලාව දෙස තරමක නොපැහැදීමකින් බලන්නට වූ කාල තම රක්ත උකුසු ඇස් කරක වමින් ගැඹුරු සුසුමක් පහත හෙලන්නට උනා . තම දෑත් හරහට බැද ගත් චේතු හා පොව්වකු මෙන් කාල දෙස බලාන ඉදැද්දි චේතු හට අවනත වනවා හැර කාල හට වෙනත් විකල්පයක් නොතිබුනා .