කාල ( 𝐊𝐀𝐀𝐋𝐀 ) 𝐓𝐊 ✔✔

• 6 කොටස •

අරුන්දතී අතරත් චේතු අතරත් ඇති වුනු ඒ වචන හුවමාරුවෙන් දින කීපයක්ම ගෙවිලා ගියා . නිතර නිතරම ඒ ගැන ඇහුවත් චේතු ගෙන් ඇති වුනු අමනාපයත් චේතු වෙනුවෙන් පෙනී ඉන්න කාල ගේ දැඩි විරෝධයත් නිසාම අරුන්දතී දේවාලයේ වැඩ රාජකාරි වලට චේතුව ගෙන යෑම එහෙන්මම අත්හිටුවන්න තීරණය කලා .

අදත් ඉල් මසෙහි එක්තරා තද කෘෂ්ණ අන්ධකාරයෙන් පිරුනු රැයක් . නමුත් ඝණ අන්ධකාරයෙන් ආඪ්‍ය උනු පයෝධරයන් හැරුනු කොට අහස් ගර්භාෂයේ තනිය මකන්න ඉල් සද වත් වීනස් තාරුකාව වත් වුන්නේ නැහැ . නිහඩ වා තලය තුල බස්සන් ගේ හඩත් වව්ලන්ගේ කෙදිරියත් පමණක්ම ගැබ් වෙලා තිබුනා .

සුපුරුදු පරිදි වලව්ව මධ්‍යයමේ ඇති රුක්කත්තන ගහ යටින් හිදන් උන් කාල තමන්ගේ ඇස් පියා ගනිමින් සිසිරමය බවකින් මේ පාලු රාත්‍රියේ ඇදෙන සුළං කවයන් ගෙන් තම සිරුර නිවා ගත්තා . මධ්‍යම රාත්‍රියත් ගෙවිලා ගිහින් හෝරාවකට ආසන්න කාලයක් ගත උනත් කාල තවමත් රුක්කත්තන ගහ යටට වී කල් මරන්නට උනා .

මන්දගාමීව ඇදෙන සුළං කවයන් එක්ක රුක්කත්තන මල් කූමර සුවදින් මුලු රාත්‍රී ගර්භාෂයම සුවදවත් උනා . රුක්කත්තන ගසෙහි කදට ඇස් පියානම නැඹුරු වී උන් කාල තම දැස් කෙමෙන් විවර කලා . එයත් සමගම සුළං කවයක පැටලැවුනු රුක්කත්තන මල් කැකුළක් කාල ගේ මුහුණ මතටම වැටෙද්දි කාලගේ මුව කොනෙහි රතු ඩේලියා මල් සිනහවක් ඇදුනා .

ඒ අතර තවමත් නින්ද අහලක වත් නොතිබුනු චේතු ඇද මත එහා මෙහා පෙරෙලිමින් ඔරලෝසුවෙහි කටු කැරකෙන දිහා බලන් උන්නා . තමන් කෙතරම් උත්සාහ කලත් නිදි වර්ජිත මේ රාත්‍රීයාමයේ නින්ද පවා චේතුගෙන් ගව් ගානක් ඈතින් ඉන්නට උනා . ඇදෙන් නැගිටපු චේතු කාමරයෙහි තිබුනු ජනේලය ලගට ගොස් ජනෙල් පියන් විවර කලා .

රුක්කත්තන මල් කූමර සුවද විදිමින් කාල මේ රාත්‍රියේ තනිවම රුක්කත්තන ගහ පා මුල ඉන්න හැටි එකලෙහිම චේතු ගේ ඇස් වලට ගැටෙන්නට උනා . තරුත් හදත් නැති අදුරු යාමයේ කුඩා ආලෝකයත් වත් නොතිබුනු නිසාම චේතු හට මූස්තා බරිත වූ හැගීමක් දැනුනා . ජනෙල් පියන් වසා දමමනින් චේතු තම අඩිය රුක්කත්තන ගහ පියසට බර කලා .