කාල ( 𝐊𝐀𝐀𝐋𝐀 ) 𝐓𝐊 ✔✔

• 15 කොටස •

" උබලා දෙන්නම මෙතන ඉන්න එක හොදා .. හෙට මට ලොකූ තොවිලයක් කොරන්න මාතලේ දිහාවට යන්න වෙනවා .. ආයේ වලව්වට එන්න නම් මාසයක් වත් විතර යාවී .. ඒ අතර තුර කාල උබ මේ වලව්වෙ සේරම වැඩ ටික කරන්න ඕනේ .. එතකොට චේතු උබ මං නැති ටිකට මේ වලව්ව පරිස්සමට බලා ගන්න ඕනේ .. කිසිම වැරැද්දක් සිද්ද වෙන්න බැහැ .. තේරුනාද උබලා දෙන්නට .. ?? "

සුපුරුදු ලෙස අලුයම් මිහිර බිද දමමින් කාලවරණ වලව්වෙන් විහිදෙන්නට උනේ අරුන්දතී ගෙහි ගොරහැඩි හඩ පමණි . කාලත් චේතුත් අරුන්දතී හට මුහුණ පා අරුන්දතී ගේ වචන වලට සවන් දුන්නද කාල ගෙහි මුහුණ පුරාම තිබුනේ නොසැලකිලිමත් බවක් . නමුත් අරුන්දතී ගේ කන්දොස් කිරීයාව නිසාම තම හිස වනමින් කාලත් චේතුත් අරුන්දතීට හට අවනත වන බවක් මවා පෑවා .

" මේක සති දෙකක් තිස්සේ එලි වෙනකල් කොරන මහා විසාල තොවිලයක් ඒක හන්දා මට යන ඉක්මනට ආපහු එන්න බැරි වෙයි "

" මැණිකේ යන තැනක පරිස්සමෙන් ගිහින් ආවා නම් එච්චරයි .. "

අරුන්දතී ගෙහි ක්‍රියා කලාපයන් කෙතරම් අශිෂ්ට වූවත් අරුන්දතී තමා ගේ මව නිසාම චේතු හට ඇයට සෙත් පතනවා හැර සාප කොරන්නට නොහැකි උනා . චේතු ගේ තරමක් මෘදු වචන නිසාම අරුන්දතී චේතු දෙස මද සෙනෙහසකින් බලන්නට වූවද අරුන්දතී තුල ගැබ්ව ඇති ඝණකම තවමත් එලෙසම පැවතුනා . නමුත් කාල මේ දෙස තම රක්ත උකුසු ඇස් වලින් විරසකව බලන් උන්නා .

" මට මං ගැන බලා ගන්න පුලුවන් .. උබ පරිස්සමෙන් හිටියෝතින් හොදා .. වැඩිය මූව කරට ගන්නවා එහෙම නෙමෙයි උබ .. "

අරුන්දතී කාල දෙස බලමින් චේතු හට කියනා විට කාල තම රක්ත උකුසු ඇස් කරකවමින් තම බැල්ම ඉවත හෙලුවා .

" මැණිකේ මාතලේ යන්න ඕනෙ කරන ඒවා ලෑස්ති කර ගත්තද .. ?? "

" ඒවා සේරම හරි .. හීන්නා ආවම ඌ එක්කලා මට ගමන යන්න පිටත් වෙන්න විතරයි තියෙන්නේ .. කොහොමත් හෝරා පහ හයක්ම මේ ගමනට යාවී .. "

ඉස්තෝප්පුවෙහි උන් අරුන්දතී තමන් හිදන් උන් වේවැල් පුටුවෙහි දිගා උනා . නුදුරින්ම ඇති තේක්ක මේසය මත තිබුනු විටක් අතට ගත් අරුන්දතී විට හපන ගමන් පනිට්ටුව තුලට කෙල ගසන්නට උනා . එය තරමක ගුජුප්සා ජනක ක්‍රියාවක් වූවද විට හපමින් අරුන්දතී තම එක් පාදයක් සොලවන්නට ගත්තා . නිහඩ වලව්ව තුල නිහඩ බව බිදලීමට අරුන්දතී ගෙහි විට විකනා සද්දයට හැකි උනා .