කාල ( 𝐊𝐀𝐀𝐋𝐀 ) 𝐓𝐊 ✔✔

• 13 කොටස •

තෙල් සාත්තුව වත් හරියා කාරයෙන් කර නොගත් කාල ගොම්මනේ අවුත් රුක්කත්තන ගහ යටින් හිදන් ඉන්නා ලෙසම පසුවදාත් අලුයම එලෙසෙම උන්නා . කුරුළු බිඟුවන් ගේ කූජනයත් කදෝපැණියන් ගේ පුංචි පුංචි සද්ද වලින් මුළු අලුයම් ගර්භාෂයම සන්නද්ධ වී තිබුනා . තමා ගේ කාමරෙහි ජනෙල් කණ්ඩිය දෙසට අඩිය තැබූ චේතු ජනේලය විවර කලා .

ජනේලය විවර කෙරූ විගසම වලව්ව මධ්‍යමයේ ඇති මහා කහ වරණ ගත් රුක්කත්තන ගහ යට හිදන් ඉන්නා කාල ගේ රුව චේතු ගේ බැල්මට හසු උනා . කලින් දා ගොම්මන් යාමයේ කාලත් තමන් අතරත් ඇති වූ ඒ පුංචි සන්වාදය තවමත් චේතු ගෙහි හද පාරන්න සමත් උනා .

නමුත් වෙනසක් නොපෙන්වාම තම අඩිය කාමරයෙන් පිටතට චේතු බර කලා . චේතු ගේ අඩි රුක්කත්තන ගහ දෙසට නැඹුරු වන විට කාල ගේ තියුණු සංවේදයන් හට චේතු තමා වෙත ලං වන බවක් දැනෙන්නට උනා . රුක්කත්තන ගසෙහි කදට බර වී උන් කාල තම හිස හරවා චේතු දෙස බලන විට ඔවුන් ගේ ඇස් එකිනෙක යා වුනා .

" ඔතනින් නැගිටපන් කාල .. උබ ඊයේ තෙල් සාත්තුව අහවර කරන්න කලියෙන්ම මට ලොකුකම් පෙන්නලා ගියා .. උබට පත්තුවක් බදින්න ඕනේ .. මුරණ්ඩු නොවී වරෙන් මාත් එක්ක වලව්ව ඇතුලට යන්න .. "

කාල ගේ ඉදිරියෙන් හිට ගත් චේතු තරමක් නොරිස්සන බවකින් කාල හට කියනා විට කාල තමන් ගේ ඇස් කරකවමින් අහක බලා ගත්තා . චේතු ගේ බල කිරිල්ලට කාල තෙල් සප්පායම් උනද ඇත්තෙන්ම තෙල් සාත්තුවක් කර ගන්නට කාල හට වුවමනාවක් නොතිබුනා . දඩබ්බර කෘෂ්ණත්වයෙන් ආඪ්‍ය වී තිබෙන කාල ගේ මුහුණ දෙස බැලුව චේතු කාල ගේ මුහුණට තරමක් බර උනා .

" උබ ඔතනින් නැගිටිනවද .. ?? නැත්තම් මං උබව නැගිට්ටවන්නද .. ?? "

" උබට උදේ පාන්දර ගහපු යකා මොකාද ?? මම නැගිටින්නේ නැහැ .. ඇයි උබ මොනවා කරන්නද මට .. ?? මහ ගෑණි වගේ මතුරන්නද .. ?? "

" අපෝ නැහෑ .. උබ ඔතනින් නැගිට්ටේ නැත්තම් මං ඉන්නේ අර බොම්බිලි කූරි ටික කපුටන්ට විසික් කරන්න .. "

කාලව ඇවිස්සීමට පුලුවන් එකම කාරණාව එය බව දන්න නිසාම චේතු තරමයෙම කාල හට කියනා විට කාල ගේ මුහුණ තරමක් අදුරු උනා . ඇත්තෙන්ම චේතු තමා ට නොදී කපුටන්ට බොම්බිලි කූරි විසික් කරයිද කියලත් කාල හට සිතෙන්නට උනා .