" උබ දැන් හැමදාම ඔය රුක්කත්තන මල් තල තල රෑ එළි වෙනකල් පහන් කරන්නේ උබට තවත් ආත්ම මේ රුක්කත්තන ගහ මුදුනේ ඉදන් කතා කරන නිසා කියලද උබ කියන්නේ ?? "
" හ්ම් .. උන් මගේ මළ ගිය පරම්පරාවේ එවුන් ඒ හැම එකාම මේ රුක්කත්තන ගහ මුදුනේ ඉන්නවා .. උබට නොපෙනුනාට උන්ට උබව පේනවා .. මේ රුක්කත්තන ගහ කියන්නේ අපේ එවුන්ට මහා නිධානයක් .. මට වලව්ව ආරක්සා කර ගන්න බැරි උනා අඩුම ගානේ මේ ගහ වත් මට ආරක්සා කර ගන්න පුලුවන් උනෝතින් ඇති .. මගේ උන්ට විතරක් නෙමෙයි මමත් හුස්ම ගන්නේ මේ ගහ නිසා "
කාල හැගීම් විරහිතව රුක්කත්තන ගහේ කදට හේත්තු උනා . චේතු කීප වතාවක්ම රුක්කත්තන ගහ මුදුන දිහා බැලුවේ ඔය කියන කාලගේ පරම්පරාවේ එකෙක් වත් තමන්ගේ ඇහැට අහු කර ගන්න වුවමනාවෙන් . එහෙත් කාලට පෙනෙනු දෙය චේතුට පෙනුනේ නැහැ . බර සුසුමක් පහලට ඇද දමනින් චේතු තමන්ගේ හිස කාලගේ උරහිස මතින් තැබුවා .
ඒ සැනින් සුපුරුදු විලාසයෙන්ම තම උරහිස් ගසා දමමින් තම අමනාපය පෙන්වන්න කාල නොපසුබට උනා . රක්ත උකුසු ඇස් ඉල් සදෙහි ආලෝකයත් සමග රත් ඝණ මාණික්‍යක් ලෙස පැහැදිලිවම දිලිසුනා . චේතුගේ ඝණ කෘෂ්ණ ඇස් ඒ හා එක පැහැරවම ගට්ටනය වූවත් චේතු තුල කොයිම වේලාවක වත් බියක් ඉපැදුවේ නම් නැහැ .
චේතුට කාලගේ ප්‍රතික්ෂේප කිරීම් හොදට පුරුදුයි . චේතු කාලට ලං වෙන ලෙංගතුකම් පාන හැම වෙලාවකම කාල තමන්ව අහකට ඇද දැමුවත් කාල තුල අංශු මාත්‍රෙකින් හෝ මනාපයක් ඇති බව චේතු දැනන් උන්නා . අමනුස්ස පපු තුඩක මෘදු රිද්මයන් වාදනය කර අයාලේ යන හිත් මත හිතවත්කම් රෝපණය නොකර ඉන්න කාල තමන්ගේ හිත දැඩි කර ගත්තා .
" උබේ ලේ කලු පාටයි කාල .. උබට කිසිම දෙයක් දැනෙන්නේ නැහැ .. දැනුනත් උබට ගානක් වත් නැහැ .. උබ ඔය හැටි ගහක් ගලක් වගේ දරඩුවට ඉන්නේ ඇයි කියලා මට හිතා ගන්න බැහැ .. "
" මම මනුස්ස පරාණයක් නෙමෙයි අමනුස්සයෙක් කියලා මගේ චේතු අමතක නොකර උන්නා නම් හොදයි .. උබ කියනවත් වගේ මට දැනෙන්නේ නැහැ දැනුනත් මට ගානක් නැහැ .. මගේ ලේ කලු පාටයි .. ඒ විතරක් නෙමෙයි මම හුස්ම ගන්න පපුවත් එහෙන්මමයි .. "
YOU ARE READING
කාල ( 𝐊𝐀𝐀𝐋𝐀 ) 𝐓𝐊 ✔✔
No Ficciónප්‍රේමයේ මග වෙනස් කෙරූ යක් මිනිස් ප්‍රේමාගමනයේ කඪෝරමය ඇවිලුම !! Start : 10 / 11 /2024 End : 11 / 01 / 2025
