මධ්‍යයම රාත්‍රී දොළහා පසු වනවාත් සමගම කාලවරණ වලව් පියසෙහි කණිසම නාද වන්නට උනා . පුර පොහෝ දිනයෙහි නිමාවත් සමග කාල මෙතෙක් දෙමසක් බලා උන් දිනය අවසානයේදී පැමිණියා . කෘෂ්ණාබර පයෝධරයන් අතරින් දීප්තිමත්ව පායා ඇති පුන් සද දෙස බලන්නට වුන් කාල තමා හිදන් උන් රුක්කත්තන ගහ පා මුලින් නැගිටින්නට උනා .
පුන් සදෙහි ආලෝකය නිසාම කාල ගෙහි රක්ත උකුසු ඇස් වෙනදාටත් වඩා වැඩියෙන් දීප්තිමත් ලෙස දිස් වන්නට උනා . උකටලී බවකින් කල් මරන්නට වූ කාල තුල ගැබ්ව තියෙන්නට වූ යම් ප්‍රහර්ෂාත්මක බවත් එක්කම කාල තම අදෘශ්‍යමාන ආත්මය නැවත අසුර ලොව වෙතට නැඹුරු කරන්නට උනා .
අසුර ලොව තුලට ඇතුලු වන්නට වූ කාල අසුර මාළිගයෙහි ඇති සිංහාසනයේ හිදන් ඉන්නා වූ තම දෙයියන් වහන්සේ දෙස ඉතාමත් බැගෑපත් අයුරින් බලන්නට උනා . දෙයියන් වහන්සේ ඉදිරියෙන් තම දණ නමමින් තම නළලත පොළෝ තලයෙහි ස්පර්ෂ කරන්නට වූ කාල ප්‍රථමයෙන්ම තමා ගෙහි දෙයියන් වහන්සේ හට ගෞරවමාන කරන්නට උනා .
" මගේ දෙයියෝ .. "
" උබ එන්න ඇත්තේ උබේ වරය ගෙනියන්න .. එහෙම නේද .. ?? "
මහා සිංහාසනයෙහි හිදන් ඉන්නට වූ දෙයියන් වහන්සේ ඍජුවම කාල ගෙන් එය විමසනා විට කාල තම හිස තරමක් ඔසවමින් තමා ගෙහි දෙයියන් වහන්සේ හට පිළිතුරු දෙන්නට උනා .
" එහෙමයි මගේ දෙයියෝ .. දෙමසක්ම මම බලාන උන්නා .. දෙවෙනි පුන් පොහෝ දිනේ නිමාවත් එක්ක ඔබ වහන්සේ වරය මට දෙනවාය කියා පොරොන්දු වුනු නිසාම මම ඔබ වහන්සේව මුණ ගැහෙන්න ආවා .. "
" මං දන්නවා බොල ඒක .. "
සිංහාසනාරූඪව වුන් දෙයියන් වහන්සේ තමා හිදන් ඉන්නට වූ ස්ථානයෙන් නැගිට තම ගාම්භීර පා අඩි කාල දෙසට බර කරන්නට උනා . කාල ගෙහි ඉදිරියෙන් ඍජුව සිටන් ඉන්නා කාල ගෙහි දෙයියන් වහන්සේ තම අතැතිව තියෙන්නට වූ යෂ්ටිය කාල ගෙහි උරහිස මතින් තියන්නට උනා . තවමත් තම හිස පහත් කරන් ඉන්නා කාල ගෙහි නෙතට ගැටෙන්නට වූයේ තම දෙයියන් වහන්සේ ගේ පා යුගලය පමණි .
" නැගිට ඉදින් කාල .. "
කාල ගෙහි උරහිස මතින් තම අතැති වූ යෂ්ටියෙන් තට්ටු කරන්නට වූ දෙයියන් වහන්සේගේ අණත් එක්කම කාල ක්ෂණිකයෙන් නැගිටින්නට උනා .
YOU ARE READING
කාල ( 𝐊𝐀𝐀𝐋𝐀 ) 𝐓𝐊 ✔✔
No Ficciónප්‍රේමයේ මග වෙනස් කෙරූ යක් මිනිස් ප්‍රේමාගමනයේ කඪෝරමය ඇවිලුම !! Start : 10 / 11 /2024 End : 11 / 01 / 2025
