" ඊලග ආවා නම් එහෙම "
" මේ එනවා ආරච්චි හාමු "
තම අවස්ථාව හිමි වන තෙක්ම පෝලිමේ හිටන් උන් චේතු ආරච්චි හාමු ගේ අණත් එක්ක වලව්ව තුලට ඇතුලු උනා . කාල නම් තවමත් ආරච්චි හාමු ගේ වලව්ව මධ්‍යයමේ ඇති මහා විශාල නා ගහ යටින් හිද ගෙන තම දෑස් පියා ගෙන සිටින්නට උනා . වලව්ව තුලට ඇතුලු උනු චේතු ආරච්චි හාමු දිහා බලද්දි චේතු ගෙහි හිසේ සිට පාදාන්තය තෙක් ආරච්චි හාමු තම ඇස් ගෙන ගියා .
" ඉතිම් කියාපන්කෝ බලන්න මොනවද උබට කොරන්න පුලුවන් කියලා .. ?? "
" මට නාඩගම් වල හොදට රග පාන්න පුලුවන් "
" එහෙනම් ඔය මේසේ උඩ තියලා තියෙන උපකරණ වලින් උබ කැමති එකක් අර ගෙන මොනවා හරි රග පාලා පෙන්නපන්කෝ "
" හරි ආරච්චි හාමු .. ඒත් මේ මම දෙබස් කියන්නත් ඕනෙද ?? "
" දෙබස් නැතුව රග පාන්න පුලුවන් ද බොල .. ?? ඔය මොන කෙංගෙඩියක් හරි කියලා රග පාපම් නැත්තම් තෝ ආව දිහාවටම පලයන් "
ආරච්චි හාමු ගේ තද වචන එක්කලා චේතු හනිකට මේසය මත තිබුනු උපකරණ දිහාවට ලං උනා . දැවයෙන් සකසන ලද ව්‍යාජ කඩුවක්ද , කුඩා දැව කිනිස්සක්ද , දැව ඔටුන්නක්ද තවත් දෑ ආදිය එහි තියෙන්නට උනා . තම ඇස් ඒ දෙසට යැවූ චේතු මේසය මත අතුරා තිබුනු දෑ අතරින් දැව ඔටුන්නත් දැව කඩුවත් තම ග්‍රහණයට ඈදා ගත්තා .
දැව ඔටුන්න තම සිරස මත පලදවා ගත් චේතු ඔලිව් තවරා ගත් අහකරයක් සමග තමා තුල රාජකීය බවක් ආරූඪමය කර ගත්තා . තමා හට අජාසත්ත රජු ගේ චරිතය ඉතා දැඩිව ඕනෑ කෙරුව නිසාම චේතු රාජකීය බව ආඪ්‍ය කර ගත් අයුරින් ආරච්චි හාමු ඉදිරියෙහි රග දක්වන්නට උනා . ගිය වර චේතු පරීක්ෂණයෙන් අසමත් වූවත් මෙවර චේතු ගේ රංගනය පිළිබදව ආරච්චි හාමු තරමක් පැහැදුනා .
කඩුව තේජාන්විත කේසරයෙකු මෙන් තම ග්‍රහණයට නතු කර ගත් චේතු තම හඩ අවදි කරමින් සැබෑම නිරිදුවකු මෙන් රග දක්වන විට ආරච්චි හාමු තම ඇස් එක එල්ලේම චේතු දෙසට යොමානව උන්නා . ඔටුන්නත් සිරස දරා ගෙන දැඩි අධිෂ්ඨානශීලීව චේතු තම උපරිමයම ආරච්චි හාමු ඉදිරියෙහිදි විදහා පෑවා .
YOU ARE READING
කාල ( 𝐊𝐀𝐀𝐋𝐀 ) 𝐓𝐊 ✔✔
No Ficciónප්‍රේමයේ මග වෙනස් කෙරූ යක් මිනිස් ප්‍රේමාගමනයේ කඪෝරමය ඇවිලුම !! Start : 10 / 11 /2024 End : 11 / 01 / 2025
