ဆောင်းဦး ကာလကုန်ခါနီး ဆောင်းအ၀င်ကာလအပိုင်းအခြားတွေမှာ အအေးဒဏ်က သိသိသာသာ
ပိုကဲလာသည်။ ပိတ်ရက်မနီးသေးသည့်တိုင်ဘူတာရုံမှာ ခရီးသွားတွေဟာပျားပန်းခတ်တမျှ။
ဘူတာရုံကကြေညာသံထွက်လာတော့ ဂယူဗင်းသည်
သတ်မှတ်ထားသည့် ရထားပေါ်တက်လိုက်သည်။
မရောက်တာကြာသည့် မွေးရပ်မြေကို ပြန်ဖို့ဆုံးဖြတ်လိုက်ချက်သည် အခုအခြေနေမှာအမှန်ဆုံး
လုပ်ရပ်ဖြစ်မလားတော့မပြောတတ်။
လက်မှတ်ပေါ်မှာတွေ့နေရသည့်အမှတ်စဥ်အတိုင်း
၀င်ထိုင်လိုက်တော့ မျက်နှာချင်းဆိုင်မှာက
မြေးအဘိုးနှစ်ယောက်။ တစ်ရေးအိပ်ပြီး
နိုးလာရင်တောင် ရောက်သည့်ခရီးစဥ်မို့လို့
ဂယူဗင်းအတွက်တော့ အထူးတလည်ဘာမှမပါ။
ထိုမြေးအဘိုးကတော့ပစ္စည်းအစုံအလင်နဲ့
များပြားလှသည်။
ပြတင်းဘက်အပြင်ဘက်မှာတော့ မြူတွေက
ခပ်ဖွဲဖွဲလေးစတင်ကျဆင်းနေသည်။
ရထားအတွင်းမှာ နွေးလှပေမဲ့ အပြင်မြင်ကွင်းကတော့ အအေးပိုနေသလို။
"ဝါး! အိပ်ချင်နေပြီ"
"အိပ် ဘိုးဘိုးပေါင်ပေါ်ခေါင်းအုံး ပုံပြင်ပြောပြမယ် မျက်လုံးမှိတ်ထား"
အဘွားတစ်ယောက်၏ မေတ္တာသည် နွေးထွေးစရာ။
ဂယူဗင်းမှာ မသိစိတ်အရ အဘိုးပြောသလို
လိုက်လုပ်မိသည်။ သူသည်လည်း
ပုံပြင်တွေနားမထောင်ရတာကြာပြီ။
အရွယ်ရောက်လာခြင်းက အိပ်ရာ၀င်ပုံပြင်တွေနဲ့ ဝေးကွာသွားစေသည်။ လက်တွေ့ကို
ထင်ဟပ်ပြနေသည့် ရုပ်ရှင်တွေကြားမှာ
ရှင်သန်နေရသည်။ တစ်ခါတလေတော့လည်း မင်းသားလေးနဲ့ မင်းသမီးလေးက အတူတကွ
ပျော်ရွှင်စွာနေထိုင်သွားကြသတည်းဆို
သည့် ပုံပြင်တွေ လိုအပ်သည်။
"ဟိုးရှေးရှေးတုန်းက နှင်းတွေအရမ်းကျတဲ့
ညတစ်ညမှာ ခရစ္စမတ်ဘိုးဘိုးကြီးက လိမ္မာတဲ့
ကလေးလေးတွေကို လက်ဆောင်ပေးဖို့
စွတ်ဖားကြီးစီးပြီး သူ့ရဲ့ နတ်သူငယ်လေးနဲ့
လာသတဲ့။ ကလေးလေးတွေအိပ်တဲ့အချိန်မှာ
တိတ်တိတ်လေးလာတတ်တဲ့ ခရစ္စမတ်ဘိုးဘိုးကြီးကို ကောင်လေးတစ်ယောက်က တွေ့သွားရော။
အဲမှာ ခရစ္စမတ်ဘိုးဘိုးကြီးက အရမ်းလန့်သွားတာပေါ့၊ဒါပေမဲ့ တစ်ဖက်ကကောင်လေးကတော့
မလန့်ဘဲ ခရစ္စမတ်ဘိုးဘိုးကြီးကို ။သူနဲ့
အတူတူဆော့ပေးဖို့ နတ်သူငယ်လေးတစ်ယောက်ထားခဲ့ပေးမယ်ဆိုရင် ဘယ်သူကိုမှပြန်မပြောပါဘူး ဆိုပြီးလည်း ကတိပေးတယ်။ အစကတော့
ခရစ္စမတ်ဘိုးဘိုးကြီးကငြင်းတာပေါ့
ဘယ်နတ်သူငယ်လေးက နေခဲ့ချင်မှာလဲ၊
ဒါပေမဲ့ အဲကောင်လေးက အရမ်းဖို့သနားဖို့ကောင်းလွန်းလို့ နတ်သူငယ်လေးတစ်ယောက်
ထားခဲ့ဖို့ သဘောတူလိုက်တယ် ပြီးတော့
အဲဒီနတ်သူငယ်လေးကို ဆောင်းတွင်းကုန်ရင်
ပြန်ခေါ်သွားမှာလို့လည်းမှာခဲ့သေးတယ် "
