"ကော ကိုယ်က ငယ်ငယ်လေးတုန်းက
အနိုင်ကျင့် မဟုတ် နည်းနည်းခိုင်းဖူးတဲ့
လူက ကွဲသွားတာဗျာ ပြီးတော့ ပြန်တွေ့တယ်
အဲအချိန်မှာကလဲ့စားပြန်ချေတာလို့ပြောရမလား
ကိုယ့်ကို ပြန်ပြီး အနိုင်ကျင့်တယ်ဆိုတာဖြစ်နိုင်လား"
ချွမ်းရွေ့မှာ မျက်နှာလေးရှုံ့မဲ့ကာ တစ်ချက်
တစ်ချက် ကော အရိပ်အခြည်ကို ကြည့်ရသေးသည်။
"မဖြစ်နိုင်တာလည်း မဟုတ်ဘူး"
"အင်းနော်၊ ဒါဆို အနိုင်ကျင့်တယ်ဆိုပြီး
ဗိုက်ကိုလာပွတ်တာ နည်းနည်းထူးဆန်းတာတွေ ပြောတာကရော ဖြစ်နိုင်လား"
"အဲတာက လိင်ပိုင်းဆိုင်ရာ.."
"ကော!"
ချွမ်းရွေ့ အော်သံကြောင့် ကော ခုံပေါ်ကပြုတ်ကျ
မလိုတောင်ဖြစ်သွားသည်။အဲတာတွေ ဂရုမစိုက်နိုင်၊ဘာ လိင်ပိုင်းဆိုင်ရာအမြတ်ထုတ်တာလဲ။ သူက အမြတ်ထုတ်ခံရမယ့်ကောင်လား။ကင်ဂယူဗင်း
ဆိုတာ သူ နိုင်ချင်သလို နိုင်လို့ရတဲ့ ပမွှားလေး။
အဲတာကို အဲကောင်က သူ့ကို???
"လန့်လိုက်တာ၊အဲတာလိင်ပိုင်းဆိုင်ရာ
အမြတ်ထုတ်တာပဲလေတစ်ဖက်လူကို မသက်မသာဖြစ်အောင် လုပ်တာပဲဟာ အဲတာ တရားစွဲလို့
ရတယ်"
ချွမ်းရွေ့မှာ ပြန်မငြင်းနိုင်သေး၊နှုတ်ခမ်းလေး
ကိုက်ကာ ငြိမ်နေလိုက်ရသည်။ တကယ်တော့
သူကမှ မသက်မသာဖြစ်တယ်လို့ မခံစားရတာ။နည်းနည်းလေးတောင် ခံစားလို့ကောင်းသလိုလို၊သေချာပေါက် ကင်ဂယူဗင်းလုပ်ရင်ပြောတာပါ။
ချွမ်းရွေ့မှာ ကောကိုတောင် ဆက်မမေးနိုင်တော့ဘဲ ယောင်တောင်ပေါင်တောင်လေး လွယ်အိတ်ဆွဲကာ ကျောင်းသွားဖို့လုပ်ရသည်။တက္ကသိုလ်၀င်ခွင့်
စာမေးပွဲအတွက်ပြင်ဆင်ရတဲ့အပြင်
အခုလို စိတ်ရှုပ်စရာတွေပါ ကြုံနေရတဲ့ သူ့အထက်တန်းကျောင်းသားဘ၀က မလွယ်လှ။
"ဟေ့ ကလေးလေး"
ချွမ်းရွေ့မှာ ပတ်၀န်းကျင်ကို အမြန်အကဲခတ်ကာ
ဂယူဗင်းကို အံကြိတ်ပြရသည်။ သေချာပေါက်
သူက လပိုင်းတောင် ပိုကြီးတာကို ကင်ဂယူဗင်းက ကလေးလေး လို့လာခေါ်နေသေးတယ်။ ဘယ်လောက်အငြိုးကြီးလိုက်လဲ။ ငယ်ငယ်တုန်းက
ကင်ဂယူဗင်းက ကလေးလေးမို့လို့ ချွမ်းရွေ့က
ကလေးလေးလို့ခေါ်တာလေ။ အဲတာကို
ဒီကောင်က ဘာအရူးထပြီး အခုမှ
သူ့ကို ကလေးလေး လို့ လာခေါ်နေရတာလဲ။
