ဒေါက်! ဒေါက်!
အဆက်မပြတ်ခေါက်နေသည့် တံခါးသံကြောင့်
ဂယူဗင်းမှာ Live stream ထဲဘယ်လိုမှအာရုံမစိုက်နိုင်တော့။ဆော့လက်စပွဲကို မြန်မြန်လက်စသတ်ဖို့သာလုပ်ရသည်။
"ဘယ်ကမှန်းမသိတဲ့ကြွက်ပေါက်လေးက
လာနှောင့်ယှက်နေလို့ ဒီနေ့တော့ ဒီလောက်နဲ့ပဲ
နားလိုက်တော့မယ် "
မျိုးစုံ တုံ့ပြန်ထားသည့်စာတွေကို သာမန်ကာလျှံကာဖတ်ပြီး တိုက်ရိုက်လွှင့်တာကိုပိတ်လိုက်သည်။
တပ်ထားသည့်နားကြပ်ကို ဆွဲချွတ်ကာ အနှီတံခါးခေါက်သံသည် ဘယ်ကလာသလဲ ဆိုတာ
ဂယူဗင်းကြည့်ရဦးမည်။
ဂယူဗင်းသိသလောက်ဆိုရင် သူတို့မျက်နှာချင်းဆိုင်အခန်းမှာ လူမနေတာကြာပြီ။တိုက်ကလူတွေကလည်း သူနဲ့သိပ်မသိတာမို့လို့ တံခါးကိုလာခေါက်စရာမလို။ အေးဆေး game stream ချင်လို့
အေးရာအေးကြောင်းရှိတဲ့နေရာမှာ လာနေပါတယ်ဆိုမှ ဘယ်မအေးမချမ်းကောင်က
လာနှောင့်ယှက်နေလဲမသိ။
ဒေါက် ဒေါက်!
ဂယူဗင်းမှာ သည်းမခံနိုင်တော့ဘဲ
တံခါးဆွဲဖွင့်လိုက်သည်။
"ဒယ်ဒီ ဒီအိမ်က လူမရှိဘူးလားမသိဘူး"
တရားခံသည် သူ့ကို ကျောပေးကာ
တစ်ဖက်လူကိုဘာတွေတိုင်နေမှန်းမသိ။
တံခါးဖွင့်သံကြားမှ သားအဖနှစ်ယောက်လုံး
ဂယူဗင်းကို လှည့်ကြည့်လာသည်။
Wtf!
ဂယူဗင်းမှာ မြင်လိုက်ရသည့်
လူကြောင့်အသက်ရှုတောင်ရပ်မတတ်။
ဆံပင်အနက်တွေကိုသေချာပုံသွင်းထားပြီး
အကျအန၀တ်ထားသည့် တီရှပ်အဖြူက
ပခုံးအကျယ်ကို သေချာပြသထားသည်။
မြင်ဖြစ်အောင် မြင်လိုက်ရသည့်
မျက်လုံးအောက်နားက မှဲ့နက်လေးကလည်း
ထိုလူမျက်နှာထက်မှာ ပနံသင့်စွာ။
Fuck! ယောကျာ်းတစ်ယောက်က
ဒီလောက်ချောဖို့မလိုဘူးလေ။
အခုများတော့ လုံး၀ သူ့ အကြိုက်ပုံစံကြီး!
ဂယူဗင်းမှာ စိတ်မကြည်တာတောင် ဘယ်ပျောက်သွားမှန်းမသိ။
"ဟုတ်ကဲ့ ဘာကိစ္စရှိလို့လဲမသိဘူးဗျ"
ပြောင်တင်းပြီး စိုက်ကြည့်နေလိုက်တော့ တစ်ဖက်က အလိုမကျသလို မျက်မှောင်နည်းနည်းကြုတ်သည်။ ဒီမျက်ခုံးနက်ကြီးတွေကလည်း စွဲမက်ဖွယ်။
