استغفر الله العظيم واتوب اليه 🌹.....
تصعد دهب مع عطر لتساعدها في تجهيز شنطها....
يجلس ماهر وادهم ومحمد وصقر ....
ماهر بجديه: انا ضغطت علي بنت اخوي عشان ترجعلك، عشان اللي كلمتني عنه قبل سابق بخصوص الناس اللي بتلاحقك وعايزه تخلص عليك وممكن تاذي عطر ولادها ،انا اقدر احمي بنت اخوي لكن انت ادري بيهم وكمان عشان الولاد يعيشوا مع ابوهم .
محمد بهدوء: عملت الصح ياماهر وبنت اخوك في عنيا من جوا.
ماهر بجديه :انا عايز اسمعها من خشمه يا محمد،قبل سابق رماها في الشارع وطلقها ومش بعيد يكررها تاني .
صقر بجديه :انا لا يمكن اعمل اكده في عطر ياعمي ،صدقني انا اتغيرت وعايز اعيش معاها واربي عيالي .
محمد بجديه :لو عمل حاجه تاني ياماهر انا بنفسي هقف قصاده واغصبه يطلقها،بنات الناس مش لعبه .
ماهر بجديه :لو بنتي عملت حاجه ؛ترجع ليا فاهم وانا هكلمها وواعيها،هي ليها اهل يترد عليهم مش جايه من الشارع.
صقر: حاضر ياعمي .
بعد كام دقيقه تنزل عطر مع دهب و الولدين...
صقر لادهم: نادي علي الحرس يشيلوا الشنط وتعال سندني.
وبعد رحيلهم ...
تجلس دهب بجانب ماهر اللي يبدو عليه الحزن ...
دهب بابستامه : تعرف ياماهر كان عندك حق لما قولت عسي أن تكرهوا شيئا وهو خير لكم وعسى أن تحبوا شيئا وهو خير لكم،ربنا قربهم لبعض برغم المسافات،صقر يعمل حادثه ومن دون الناس يوقف عطر في طريقه.
ماهر بجديه :ونعم بالله...
دهب بسرعه: مالك ياماهر ،انت زعلان ان عطر رجعت لصقر .
ماهر : خايف يادهب اكون ظلمتها ،البنت اتغصبت ، الاول علي الجواز منه ودلوقتي باخدها من يدها وارجعها مره تانيه بالغصب.
دهب بحب :ماتقلق ياماهر،عطر كانت بتحب صقر واكيد هيجي وقت وتسامحه وصقر يمكن دماغه ناشفه وبيغضب بسرعه ،لكن قلبه ابيض كيف القشطه .
ماهر بحزن: ربنا يهدي سرهم عن اذنك يادهب ..
دهب بسرعه:هتروح فين ؟.
ماهر : رايح لولد اخوي،اللي استغل غيابي ودخل داري بالقوه وشهل السلاح في وش مراتي وخيته ،ولا عمل اعتبار لحرمه البيت ولا عمل اعتبار لعمه .
ويرحل...
في بيت الرفاعي ....
يرقد الرفاعي علي الفراش بعد أن تملك منه المرض وتغيرت ملامحه للضعف والوهن...
حسن بغضب (ابن الرفاعي التاني ) :يابوي اخوي الغلط راكبه من ساسه لراسه،كيف يهجم علي بيت عمه في غيابه ويشهل السلاح في وش الحريم،هو عايز يركبنا العار.
أنت تقرأ
جنتك ناري 🔥...
Ficción Generalمنتهيه .... باللهجه الصعيديه... فتبلع الفتاه ريقها بصعوبه وتستجمع شجاعتها وتقول: انا فين وانت مين وايه اللي جابني اهنا وتمسك الغطاء بقوه ومين قلعني خلجاتي انا... الرجل بسخرية: انتي اهنا عشان بصفي حساب قديم مع ابوكي، امابقا فين فانتي اهنا في في...
