နှစ်တစ်ရာလန်းမဲ့ မေတ္တာပန်း

Episode 18

နှစ်တရာလန်းမဲ့ မေတ္တာပန်း Episode 18

မောင်တို့လက်ထပ်ပြီးတာ တနှစ်ပင်ပြည့်တော့မယ် ခိုင်ကျန်းမာရေးကတော့အခုတလောမောင်သိပ်အားမရပေ ဘာကျွေးကျွေးမစားဘူး လူကလဲအမြဲနုံးနေတာ တခါတလေအန်တာကပါသေး နေမကောင်းတဲ့ကြားထဲက မနက်စာကိုထပြင်သေးတာ
" ခိုင် မောင်အလုပ်ကိုအစည်းအဝေးရှိလို့သွားပြီးပြန်လာမယ် ပြီးရင်ဆေးခန်းသွားကျမယ်နော် "
အိပ်ယာပေါ်တွင်လှဲနေသော ခိုင်ရဲ့ဆံသားလေးများအားသပ်ပေးကာပြောတော့
" မောင်ကလဲ ခိုင်မသွားချင်ပါဘူးဆို "
ခိုင်မှာမောင့်လက်လေးကိုကိုင်ပြီးချွဲကာပြောတော့
" ခိုင်ကလဲဆိုးမနေနဲ့တော့ ဒီလောက်နေမကောင်းနေတာကို "
" မောင် ခိုင်လေ ဟိုဟာမဖြစ်တာ ၂လလောက်ရှိပြီ သွေးဆုံးတာများလားဟင် "
" အဲ့တာတော့မသိဘူး ဆေးခန်းတော့သွားမယ်နော် မောင်တို့ family doctor ဆီပဲသွားမယ် မောင်ပြောပြီးပြီ"
" ဟုတ် "
" ဟုတ်ဆိုလာ မနက်စာလေးတော့နည်းနည်းစားလိုက်"
မောင်လဲ ခိုင့်ကိုထူပေးပြီးထခိုင်းတော့ ခိုင်မှာမောင့်ပုခုံးပေါ်မှီပြီး စကားတခွန်းပြောလာတယ်
" မောင် ခိုင့်ကိုချစ်သေးလားတဲ့ "
" ချစ်တာပေါ့ ခိုင်ရယ် မေးနေစရာလိုလို့လား "
" မောင့်နားမှာကောင်မလေးငယ်ငယ်ချောချောလေးတွေကဝိုင်းနေတာ ခိုင်ကအသက်ကြီးနေပြီလေ "
" ပေါက်ကရတွေလျှောက်တွေးမနေနဲ့ မောင့်အမျိုးသမီးလေးရေ သူ့ဟာသူငယ်ချင်ငယ်ချောချင်ချောမောင်နဲ့ဘာဆိုင်လဲ မောင်နဲ့ဆိုင်တာကခိုင်လေ ဟုတ်ဘူးလား "
ခိုင်လဲမောင့်အဖြေကိုသဘောကျကာ မောင့်ကိုခိုင်သိပ်ချစ်တာပဲဆိုပြီး မနက်စာစားရန်အောက်သို့ဆင်းလာခဲ့တော့သည်
‌ထမင်းစားပွဲဆီလာပြီး ခုံပေါ်တင်ထားသော နန်းကြီးသုတ်ပန်းကန်ကိုကြည့်ကာ
" ခိုင် ဒါခိုင်လုပ်ထားတာလား "
" ဟုတ်တယ်လေ မောင်ရဲ့ ဘာလို့လဲ "
" နေမကောင်းတာကိုနားနားနေနေ မနေဘူး "
" မောင်ကလဲခိုင်မလုပ်ရင်မာမီလုပ်ရမှာလေ ခိုင်ပဲလုပ်ပါမယ် ဘာပင်ပန်းတာမှမဟုတ်တာ "
" မဖြစ်ဘူး အိမ်အကူတယောက်လောက်ဖြစ်ဖြစ်ခေါ်ထားမှ ရမယ် "
ခိုင်လဲဘာမှဆက်ပြောမနေပဲ နန်းကြီးသုတ်စားရန်ပြင်တော့ ပါးစပ်ထဲတလုတ်ထည့်ကာအတင်းမြိုချနေရသည့်ပုံ မြိုချလိုက်တာနဲ့ ပျို့တတ်လာကာ ဘေစင်ဆီသို့အမြန်ပြေးရသည်
" ဝေါ့...ဝေါ့ "
ဆ်ုပြီးအန်ကာ မောင်ကလဲအနောက်ကနေကျောကုန်လေးကိုဖိပေးနေသည်
" ခိုင်အဆင်ပြေရဲ့လား "
" ခိုင် အန်ပြီးရင်အရမ်းမောတယ် မောင် "
" မဖြစ်တော့ဘူး မောင်နဲ့တခါတည်းလိုက်ခဲ့ အစည်းအဝေးပြီးတာနဲ့ဆေးခန်းတန်းသွားမယ် "
ဆိုပြီး ခိုင်ပါးစပ်ကိုတစ်ရှူးဖြင့်သုတ်ပေးပြီး ပုခုံးလေးဖက်ကာအိမ်ရှေ့ကိုထွက်လာပြီးပြောနေတော့ ခိုင့်မာမီမှအိမ်ရှေ့ဧည့်ခန်းတွင် ထိုင်နေရာကမှ မောင်ကိုလှမ်းခေါ်ကာ
" သစ်ခက်မောင် လာခဲ့ဦးဒီကို "
လို့ခေါ်တော့ မောင်လဲခိုင်ကိုကြည့်ကာ ခိုင်ကခေါင်းငြိမ့်သည်မို့ နှစ်ယောက်သားသွားကျတော့
" ခိုင် ကိုOGနဲ့ပြလိုက် မာမီ‌ေဒါက်တာကိုဖုန်းဆက်ပြီးပြီသူဘိုကင်တင်ထားမယ်ပြောတယ် "
" ဟုတ်ကဲ့မာမီ မောင်လဲမကြုံဖူးတော့ဘာလုပ်ရမှန်းမသိဖြစ်နေတာ "
" မာမီသိတယ်ကိုယ့်သမီးအကြောင်းကို မိန်းကလေးကိစ္စဆိုတော့OGနဲ့ပြတာပိုအဆင်ပြေတယ်"
ဆိုပြီးပြောတော့ မောင်မှစကားတခွန်းထပ်ပြောဖို့ပါးစပ်ဟမယ်ပဲရှိသေး
" ပြီးတော့အိမ်အကူတယောက်လိုတယ်မို့လား မာမီရှာထားတယ် "
" ဟာ မာမီကိုတော့လေးစားသွားပြီ အကုန်သိ‌နေတယ်"
" မာမီသမီးအကြောင်းမာမီသိပါတယ်ဆို "
မောင်လဲထားနားသွားကာ မာမီကိုချစ်နေရတာဆိုပြီးချွဲပြန်သည် ခိုင်ကတော့အပြင်သွားရမည်မို့ အဝတ်အသားလဲရင်အပေါ်သို့တတ်သွားတော့သည်
မောင်တို့လဲ လမ်းတဝက်ရောက်ရော
" ခိုင် တခုခုစားအုံးနော် အိမ်မှာလဲဘာမှမစားခဲ့ရဘူးလေ"
" ဟုတ်ကဲ့ "
လို့ပြောတော့ မနီးမဝေးမှာရှိတဲ့ Breaky ဆိုင်တစ်ဆိုင်တွင်ရပ်ကာ နှစ်ယောက်သားဝင်လာကျပြီး
" ခိုင် ဘာစားမလဲ "
counter တွင်နှစ်ယောက်သားရပ်ကာမောင်မှမေးနေသည်
" ဟင့်အင်းခိုင်ဘာမှမစားချင်ဘူး "
" တခုခုတော့စားလိုက် "
" ညီမလေး Strawberry smoothies တခွက်ရယ် black coffeeတခွက်ရယ် blueberry cakeတလုံးရယ်ပေးပါ "
ဆိုကာ counterကကောင်မလေးတယောက်ကိုမှာနေပြီ ထိုင်ရမည့်ခုံများရှာကာ ခိုင့်လက်ကိုဆွဲပြီး ခုံတွင်ခိုင်ကိုအရင်ထိုင်စေကာ မောင်ကတော့ခိုင်ဘေးနားမှာဝင်ထိုင်လိုက်တော့သည်
" မုန့်မှာတာအဲ့လောက်ပြုံးစရာလိုလား "
" ဟောဗျာ ခက်တော့ခက်နေပါပြီ "
" မောင်နော် ခိုင်ကလွဲပြီးတခြားသူရှေ့အဲ့လောက်မပြုံးနဲ့ကြားလား "
နေမကောင်းတဲ့ကြားထဲကနေ သဝန်တိုနေသောခိုင်ကိုကြည့်ပြီး မောင်ရီမိသည်
" ဘာလို့ရီတာလဲလို့ "
ခိုင်မေးနေတုန်း ဖုန်းဝင်လာကာ မောင်ကလဲခိုင်လက်ကလေးကိုဆုပ်ကိုင်ပြီး ဖုန်းကိုင်ကာ
" ဟယ်လို ဇူးဇူး အစည်းအဝေးကိုတနာရီလောက်နောက်ဆုတ်ပေးနော် ဒီမှာအရေးကြီးကိစ္စရှိလို့ ပြီးရင်အစ်မကို အကုန်အဆင်သင့်လုပ်ထားပေးပါနော်"
ဆိုပြီးဖုန်းပြောနေတုန်း ခိုင်လက်ကိုကိုင်ထားသောမောင့်ရဲ့လက်ကိုဖြုတ်ကာ တဖက်သို့လှည့်ပြီးစိတ်ကောက်ချေလေသည် ဒါကိုသိသောမောင်သည် မှာစရာရှိတာများမှာကာဖုန်းကိုချပြီး
" ခိုင် ဘာဖြစ်တာလဲ ခိုင်ရယ် "
ခိုင်မှဘာမှပြန်မပြော
မောင်လဲခိုင်လက်ကကိုအတင်းပင်လိုက်ကိုင်နေတော့
" ဘယ်လိုဖြစ်နေလဲ "
" အာ့ခိုင်ကိုမေးရမှာ ချက်ခြင်းလက်ငင်းကြီးဘာဖြစ်သွားမှန်းမသိ"
ခိုင်မှ မျက်စောင်းတချက်ထိုးကာ တဖက်သို့လှည့်သွားပြန်သည်
" ခိုင်ပြောတယ်လေ ခိုင်မဟုတ်ပဲတခြားတယောက်နဲ့ရီတာမကြိက်ဘူးလို့ "
မောင်မှပြန်ပြောမလို့ရှိသေးတယ် ကိတ်မုန့်နဲ့ ကော်ဖီလာပို့တာကြောင့် စကားခနရပ်ကာ
" ဟုတ်ပြီနော် ခိုင် မကြိုက်ရင် မောင်မရီတော့ဘူး အခုတော့ မုန့်စားလိုက်အုံးနော် "
ခိုင်မှဘာမှပြန်မပြော မောင်လဲခိုင်ခန္ဓာကိုယ်လေးကိုဆွဲလှည့်ကာ
" ကဲပါ စားတော့နော် မောင် ခွံ့ကျွေးမယ် "
ကိတ်မုန့်ကိုဇွန်းနဲ့ယူပြီး ခိုင်ကိုခွံ့ကျွေးတော့ ခိုင်လဲစားလိုက်သည်
" ရော့ အအေးလဲသောက် ခိုင်ခံတွင်းရှင်းအောင်လို့မောင်စတော်ဘယ်ရီမှာထားတာ ကုန်အောင်သောက်နော်"
ဆိုပြီးပြောတော့ ခိုင်လဲအအေးကိုသောက်လိုက်သည် မောင်ကတော့ ကော်ဖီသောက်ရင် ခိုင်စားနေတာကိုပဲထိုင်ကြည့်နေတော့သည်
နှစ်ယောက်သားစားပြီးတော့ Company ကိုသွား မောင်အလုပ်လဲပြီးရော ဆေးခန်းသို့သွားတော့ bookingယူထားသောဒေါက်တာနှင့်ပြတော့ ခိုင်မှာစိုးရိမ်နေပုံရသည်
ခိုင်မှာမောင့်ကိုအားကိုးပြီးကြည့်နေသည့်ပုံ မောင်လဲသိတာကြောင့် ခိုင်ခေါင်းလေးကိုကိုင်ကာ
" ဘာမှမကြောက်နဲ့နော် မောင်ရှိတယ် "
ဆိုကာအားပေးတော့ ခိုင်လဲခေါင်းလေးတချက်ငြိမ့်ပြီးနေလိုက်တော့သည်
ဒေါက်တာကလဲခိုင်ကိုလူနာကုတင်ပေါ်လှဲစေကာ သွေးခုန်နှုန်းစမ်း နှလုံးခုန်နှုန်းစမ်းသပ်ပြီး ကျန်တဲ့အရာများစစ်ဆေးကာ သစ်ခက်ဘက်ကိုတချက်လှည့်ကြည့်ကာပြုံးလိုက်ပြီး
" သေချာသွားအောင်ဆီးစစ်ကြည့်လိုက်ပါ့လား "
ဒေါက်တာမှပြောလိုက်သောစကားကြောင့် ခိုင်ရောသစ်ခက်ရောဆရာ့ကိုကြောင်ကြည့်နေတာ သစ်ခက်ကတော့ထူပူသွားပြီး ဘာလုပ်လို့လုပ်ရမှန်းမသိဖြစ်သွားသည် ခိုင်ဆီးစစ်ခိုင်းတော့ ခိုင်လဲဆီးစစ်လိုက်ကာ
မောင်ရောခိုင်ပါပြေးဖက်ပြီး ဒေါက်တာကိုမေးတော့
" ဒါကဒီလိုရှိပါတယ် မိန်းက‌‌ေလးချင်းဆို‌ေပမဲ့ကျားဟော်မုန်းဓါတ်များတာကြောင့် ကိုယ်ဝန်ရနိုင်ပါတယ်"
" ဟုတ်လား ဒေါက်တာ "
" ဟုတ်ကဲ့ရှင့် ဒါပေမဲ့ ဒီကအစ်မနှစ်ယောက်ကကံအကောင်းဆုံးပါ ကျွန်မဒီလိုတခါမှမကြုံဖူးဘူးရှင့် လူတထောင်မှာတယောက်တောင်မဖြစ်နိုင်တဲ့ကိစ္စပါ ကံကအရမ်းကောင်းလွန်းလို့သာ "
ခိုင်ရောမောင်ရောတယောက်မျက်နှာတယောက်ကြည့်ကာ အပြုံးများဝေဆာလျက် အခုတော့အပြန်လမ်းမှာ ဇနီးမယားနှစ်ယောက်စလုံးအပြုံးများနှင့်အိမ်သို့ပြန်လာခဲ့ကျသည်
အိမ်ရောက်တော့လဲ ဒယ်ဒီနဲ့မာမီကိုပြောပြတော့ ဒယ်ဒီတို့လဲအရမ်းပျော်နေကျတော့သည်
" ဒယ်ဒီတို့ရဲ့မျိုးဆက်မကျန်ဘူးထင်နေတာ အခုတော့မျိုးဆက်ကျန်ခဲ့ပြီ "
ဆိုပြီး ဒယ်ဒီလဲအားပါးတရရီမောကာပြောတော့
မာမီကလဲခိုင်ရဲ့ဗိုက်လေးကိုသွားကိုင်ကာ
" ခိုင် ဒီနေ့ကစပြီး ဘာဆိုဘာမှမလုပ်နဲ့တော့ လိုတာရှိရင်မာမီကိုပြော "
" အဲ့လောက်လဲမဟုတ်ပါဘူး မာမီရယ် ခိုင်လုပ်နေကျအရာတော့လုပ်ရမှာပေါ့ "
" ခိုင်နော်အဲ့တာတော့ မောင်လဲခွင့်မပြုဘူး "
" မောင်ကလဲ "
မောင့်ဒယ်ဒီကတော့ဘာမှဝင်မပြော ပြုံး၍သာကြည့်နေသည် ခိုင်လဲနှစ်ယောက်တယောက်ငြင်းမရတဲ့အဆုံးအလျော့ပေးရသည် မောင်ကတော့ အခန်းထဲရောက်တော့ ဆီးစစ်တံလေးကိုပုံရိုက်ပြီးInstagramမှာ တင်ပြီးHappy dayဆိုပြီးတင်လိုက်သည် ခိုင်ကတော့ဘာမှမပြောမောင်လုပ်သမျှကိုပြုံးရဲ့ကြည့်နေသည်
" ခိုင် ဒါလေးကိုသိမ်းထားနော် မောင်တို့ကလေးလေးအတွက်Boxလေးတခုဝယ်ပြီးသူ့ပစ္စည်းသက်သက်ထား ထားမယ်နော် "
" မောင်သဘောပါရှင် "
သစ်ခက်မောင်ကတော့ သရဖီတို့ကိုရော လီလီတို့ကိုပါလှမ်းကြွားလိုက်ရသေးသည် ဘယ်သူမှမရဖူးတဲ့အရာလေးရလာတာဆိုတော့ မောင်မှာဝမ်းသာလို့မဆုံးပေ
" ခိုင် "
" ရှင် "
မှန်တင်ခုံတွင်ထိုင်ကာဆံပင်ဖြီးနေသောခိုင်အားလှမ်းခေါ်လိုက်ခြင်းဖြစ်သည်
" ခိုင် နေ့တိုင်းနွားနို့သောက်ရမယ် အားဆေးသောက်ရမယ် အုန်းသီးစားရမယ်နော် "
" မောင်ကလဲ အခုမှနှစ်လကျော်ပဲရှိသေးတယ်လေရှင်"
" မရဘူး မောင်လဲတတ်နိုင်သမျှအလုပ်ကိုအိမ်ကနေပဲလုပ်နိုင်အောင်ကြိုးစားမယ်"
" ဟုတ်ကဲ့ မောင်သဘောပါရှင် "
မောင်မှာလဲ ခိုင်ကိုဖက်လို့မဝ နမ်းလို့မဝဖြစ်နေတော့သည်
နောက်နေ့မနက်လဲရောက်တော့ ခိုင့်မှာမောင့်ရင်ခွင်ထဲကိုနစ်နေအောင်ဝင်အိပ်နေရင်းက မောင့်လက်လေးများကိုဖယ်ကာ ထဖို့ဟန်ပြင်တော့ မောင့်မှာတင်းနေအောင်ဖက်ထားကာ
" ဟိတ် ကောင်မလေး ဘယ်သွားမလို့လဲ "
" မနက်စာသွားလုပ်မယ်လေ ထဖို့အချိန်ကျပြီ "
" မလုပ်နဲ့တော့လေ မောင်မနေ့ကဘာပြောထားလဲ"
" ခိုင်မလုပ်ရင်မာမီပဲလုပ်ရမှာလေ ခိုင်ကိုချစ်ရင်လွှတ်ပေးကွာ"
" မ လွှတ် ပေး ဘူး ကွာ "
မောင်မှာတလုံးချင်ပြောပြီး ခိုင်နှုတ်ခမ်းကိုနမ်းလိုက်တော့ ခိုင်မှာ မောင့်ရင်ဘတ်ကိုထုကာ လွှတ်ပေးလို့ထပ်ပြောနေပြန်သည်
" မလွှတ်ပေးဘူး အရမ်းချစ်လွန်းလို့မောင်ပါဝိုင်းကူပေးမယ်"
ဆိုပြီးခိုင်ကိုတချက်ထပ်နမ်းကာ နှစ်ယောက်သားအိပ်ရာထပြီး အောက်ထပ်ဆင်းကာ မောင့်မာမီနဲ့မနက်စာများပြင်ဆင်နေကျသည်
" မာမီ ဒယ်ဒီရော "
" သမီးဒယ်ဒီလာလိမ့်မယ် ခနစောင့် "
ဆိုပြီး ခနနေတော့မောင့်ဒယ်ဒီလဲရောက်လာတာကြောင့်လေးယောက်သားမျက်နှာချင်းဆိုင်မနက်စာများစားသောက်ပြီးတော့
မောင့်မှာပြောစရာများရှိသေးတာကြောင့်
" ဒယ်ဒီ မာမီ မောင်တိုင်ပင်စရာရှိလို့ "
လို့ပြောလိုက်တော့ နှစ်ယောက်သားခေါင်းငြိမ့်ပြတော့
" နောက်လဆိုသက်ြန်ရောက်ပြီ မောင်ဝန်ထမ်းတွေအတွက်မဏ္ဍအသေးစားလေးလုပ်ပေးရင်ကောင်းမလားလို့"
" ကောင်းတာပေါ့ ငါ့သမီးအဆင်ပြေမယ်ဆိုလုပ်လိုက်"
မောင်လဲသူ့အစီအစဉ်ကိုပြောပြတော့အကုန်လုံးသဘောတူတာကြောင့် သကြန်အတွက်လုံးပန်းနေကျတော့သည် သရဖီတို့ကိုလဲလာလည်ဖို့ခေါ်ထားသည် ခိုင်မေမေနဲ့မြလေးတို့ကိုလဲခေါ်ထားသေးသည် လီလီကတော့လာချင်ပေမဲ့ အလုပ်ကရှိသေးတာကြောင့်လာဖို့အဆင်မပြေကြောင်းမောင်နဲ့ပြောနေသည်
ခိုင့်မှာဆေးခန်းပြပြီးပြန်လာလဲ အန်တာကတော့မရပ်သေးပေ ခနခနကိုအန်နေရသည် လူလဲအရင်ကထက်ပိန်လာတာကို မောင်သတိထားမိသည် အဲ့တာကြောင့်အပြင်ကပြန်လာရင် ခိုင်အတွက် အသီးဖြစ်ဖြစ် ကိတ်မုန့်ဖြစ်ဖြစ်တခုမဟုတ်တခုဝယ်လာတတ်သည်
ခိုင်မှာမောင်အလုပ်ကအပြန်ကိုအိမ်ရှေ့ပန်းခြံထဲရှိဒန်းလေးပေါ်တွင်ထိုင်ကာစောင့်နေတတ်သည်
အခုလဲကားပေါ်ကဆင်းနေသောမောင့်ဆီလာကာ
" မောင် အဲ့တာဘာတွေလဲ "
" ခိုင်အတွက်အသီးတွေလေ "
" ခိုင်မစားချင်ပါဘူး ဒါနဲ့လေ အိမ်ကိုအိမ်အကူဂောက်လာပြီ"
မောင်လဲခိုင်ပြောတာကိုပြုံးကြည့်ကာ ခေါင်းငြိမ့်ပြပြီးနှစ်ယောက်သား အိမ်ထဲဝင်ပြီး ခိုင်ကအိမ်အကူကိုခေါ်လိုက်သည်
" မိအေးရေ "
" ရှင်မမလေး "ဆိုပြီးထွက်လာကာခိုင်တို့ထိုင်နေသောထိုင်ခုံနားအားမတ်တပ်ရပ်ကာ
" ဒါကသစ်ခက်မောင်တဲ့ မမရဲ့ဇနီး "
ဆိုပြီးခိုင်ကမိတ်ဆက်ပေးတော့ မိအေးမှာပြုံးနေလေရဲ့
" မိအေးတဲ့ မောင် မာမီတို့ရွာကလို့ပြောတယ် "
ခိုင်မှာမောင်ကိုအကုန်ပြောပြနေသည် မောင်ကတော့အကုန်သိနေပြီးသားဖြစ်တာကြောင့် ခိုင်ပြန်ပြောတာကိုပဲသဘောကျနေတော့သည်
" မိအေး ကိုယ့်အိမ်လိုပဲသဘောထား ကိုယ့်မိသားစုလိုပဲနေနော် ပြီးတော့ဒီကမမကိုလဲဂရုစိုက်လိုက်နော်"
လို့မှာတော့ မိအေးလဲဟုတ်ကဲ့လို့ပြောကာ နောက်ဖေးသို့ထွက်သွားလေသည်
အခုတလောတော့ခိုင်လဲသိပ်မအန်တော့ နေကောင်းသွားပုံရသည် တခါတလေဆို ခိုင်မှာမောင့်ကိုလှမ်းချွဲတတ်သည် ဖုန်းဆက်လိုက်ကာ
" မောင် "
" ဗျာ ခိုင် မောင့်ကိုမှာစရာရှိလို့လား "
" မရှိပါဘူး အဲ့တာဆို ပြောစရာရှိလို့လား ပြောလေ"
" မှာစရာလဲမရှိဘူး ပြောစရာလဲမရှိဘူး ဒီတိုင်းလွမ်းလို့ဆက်လိုက်တာမရဘူးလား "
" ဟောဗျာ ရပါတယ် ပြန်လာမှအလွမ်းပြေအောင်မောင်လုပ်ပေးမယ်"
" မောင်နော်ပေါက်ကရတွေပြောမနေနဲ့ "
" မောင် စောစောပြန်လာခဲ့နော် "
" ဟုတ်ကဲ့ပါဗျာ မောင်ပြန်လာခဲ့မယ်နော် ခိုင်ထမင်းစားထားနှင့် မောင်ပြန်လာကျရင်ပူတင်းဝယ်ခဲ့မယ်နော်"ပြောပြီးဖုန်းချလိုက်တော့သည်
ခိုင်ဆိုသည်မှာအဲ့လိုပဲ မောင့်ကိုချွဲနေတာများ ကလေးရလာရင်ကလေးနဲ့ခိုင်ဘယ်သူပိုချွဲမလဲဆိုတာတွေးမိပြီးမောင့်မှာပြုံးရပြန်သည်
#ကျော့
ဒီအပိုင်းမှာလေ ကိုယ်ဝန်ကိစ္စနဲ့ပတ်သတ်ပြီးတော့ မဝေဖန်စေလိုပါ ကိုယ့်ရဲ့စိတ်ကူးထဲကအတိုင်းရေးလိုက်တာမို့ ဒါကမဖြစ်နိုင်ဘူးဆိုတာလဲသိနေကျတာပဲလေနော် ကျော့ကတခါတလေတော့ကိုယ့်ဘာသာရကြည့်လိုက်တာ အဆင်ပြေတယ်မို့လားဗျ😁