Begin Again (GL)

Chapter Eight

Amoy alkohol ng Dr. J at lysol ang hallway. Dinig ang ugong ng nga machine analyzer at umalingawngaw na mga yabag ang espasyo habang papunta ako sa Histopath.

Mahigpit kong hawak ang maliit na tumpok ng request forms at slides sa aking dibdib, pilit na hindi magmukhang may hinahanap.

Pero may hinahanap talaga ako.

At nandoon nga siya.

Si Doc Ria, nakatayo sa tabi ni Doc Tan sa labas lang ng silid ng mga pathologist. Kapwa sila abala sa diskusyon, presko ang kanilang mga lab coat, nakakrus ang mga braso, at nakakunot ang noo dahil sa isang bagay na mukhang... seryoso. Hindi man lang sumulyap sa akin si Ria kahit kaunti.

"Good morning po," sabi ko pa rin, huminto lang sandali para magbigay ng karaniwang pagbati.

Bahagyang tumango si Dr. Tan nang hindi tumitingin. Si Ria naman, sa wakas ay lumingon pero bahagya lang.

"Rosie," pagkilala niya, direkta at mabilis, pagkatapos ay bumalik agad sa hawak niyang file.

Hmp.

Pangalan ko lang. Walang init. Walang lambing.

Na parang walang nangyari ang kahapon. Na parang hindi dumampi ang mga daliri niya sa akin nang abutan niya ako ng mga report. Hindi siya tumingin sa akin na parang may pinipigilan sa kanyang sarili.

Pinagsiklop ko ang aking mga labi, tumango, at nagpatuloy sa paglakad.

---

"Rosie, kailangan ka ni Dr. Villareal sa microscope," tawag ni Ate Cel mula sa reception habang nagla-log ako ng mga morning samples. "Urgent case daw. Gusto ka raw niya kasama."

"Ako?" Napapikit ako.

Sus parang kanina hangin lang ako sa kanya, ngayon she need me na.

Bahagyang kumabog ang puso ko, ngunit tinakpan ko ito ng isang mariing paghinga at mabilis na nagtungo roon.

Sa loob, malabo ang ilaw, ang malamig na kislap ng monitor ng mikroskopyo ay nagpapalabas ng anino sa buong silid.

Nakaupo na si Dr. Tan. Nakatayo si Ria sa tabi niya, nagbabasa ng mga pahina ng isang case file. Pareho silang napatingin nang pumasok ako.

May ulupong pa na kasama.

"Rosie," sabi ni Ria, malamig at propesyonal ang boses. "We need your hands. And your input."

Mabilis akong tumango at tumayo sa tabi nila, nagsuot ng guwantes. "Ano po ang case?"

Iginaya ni Dr. Tan ang slide na nakakabit na sa scope.

"Tumor from the sigmoid colon. Poorly differentiated. We're debating the possible primary."

Bahagya akong yumuko para tingnan ang monitor. Irregular na pormasyon ng gland. Kapansin-pansin na nucleoli. Mga mitoses na nakakalat na parang bituin sa kalangitan.

"Could be an adenocarcinoma," mahina kong sabi, halos sa sarili ko. "But the mucin's not convincing."

Sinulyapan ako ni Ria. "Exactly. That's why we need special stains. What would you request?"

"CK7 at CK20, po" sagot ko, unti-unting umiinit. "Posibleng CDX2. At marahil mucicarmine, para lang ma-rule out ang anumang mucin-producing features."

Tumawa si Dr. Tan. "Sharp kid, this one."

Of course need magpa-impress kay crush.

Bahagya akong namula ngunit pinanatili ang aking mukha. "Salamat po."