"အဟင်း....မြကတော့လေ...ငါကမြအကြောင်းကိုမသိတော့ဘူးလို့များထင်နေတာလား..."
မြူတို့ကားနားကိုရောက်ရောက်ချင်း ကားကိုမှီကာလက်ပိုက်လျှက်သားကြိုစောင့်နေတဲ့ ထိုအမျိုးသမီးကြောင့် မြူပင်လျှင် အံ့ဩသွားရပါရဲ့။ မြူတို့ ဒီကားနှင့်လာမှန်းကိုလည်း သိနေသတဲ့လား။ ဒီအမျိုးသမီးက ခေသူတော့မဟုတ်။
"ကဲ...မြ...ဒီမှာခဏထိုင်..နော်..."
မြူ့ကားနံဘေး၌ကပ်၍ရပ်ထားသော အဖြူရောင်Mark IIကား၏ အနောက်ဖုံးကိုဆွဲဖွင့်ကာ မမကိုထိုင်စေပြန်၏။ ဒီအခြေအနေမှာ မြူဘာလုပ်သင့်သလဲ။ နောက်ဆုတ်နေရမလား။ ထိုအမျိုးသမီး၏ ပိုင်စိုးပိုင်နင်းအပြုအမူများကိုပဲ တားမြစ်ရလေမလား။
"အ...".
"ကြည့်...မြခြေကျင်းဝတ်အဆစ်ယောင်သွားပြီတွေ့လား...ဒီတိုင်းဆက်ထားလိုက်ရင်ပိုဆိုးသွားမှာပေါ့မြရဲ့...ဒေါ်မြကြေးမုံတို့ကတော့လေ..ကလေးလည်းမဟုတ်တော့ဘဲနဲ့..သိပ်ခေါင်းမာချင်တာပဲ..."
ထိုအမျိုးသမီးက ဒူးလေးကွေးထိုင်လျှက် ကျွမ်းကျင်ပိုင်နိုင်စွာပင် မမရဲ့ခြေကျင်းဝတ်ဖြူဖြူလေးကို ဆေးလိမ်းပေးကာ ပတ်တီးစည်းပေးနေပြန်၏။ မမကလည်း ယခုအခါမှာတော့ ခါးခါးသီးသီးမတုန့်ပြန်တော့ဘဲ ငြိမ်သက်နေလေရဲ့။ ဒီနေ့ မမရဲ့အပြုအမူတွေကို မြူတော့ဖြင့် နားမလည်နိုင်တော့ပြီ။
"မြ....ဘာလို့ငါ့ကိုရှောင်ပြေးချင်နေရတာလဲမြရယ်...ငါကမြအနားမှာအမြဲရှိနေမယ်ဆိုတာလည်းမြသိရဲ့သားနဲ့..."
အဲ့ဒီအမျိုးသမီးက မမနှင့်ဘယ်လိုများပက်သက်နေတာလဲ။ တွေးရင်းတွေးရင်း မြူ့ရင်ထဲဗလောင်ဆူလာရ၏။
"ကဲပါ...မြဘက်ကစိတ်အဆင်သင့်မဖြစ်သေးဘူးဆိုလည်းရပါတယ်...ငါစောင့်နိုင်ပါတယ်မြရဲ့...မြဘက်ကအချိန်ပေးနိုင်ပြီဆိုရင်တော့..ငါတို့စကားအေးဆေးပြောကြရအောင်နော်...ရော့..ဒါငါ့ကဒ်.."
ထိုအမျိုးသမီးက မမရဲ့လက်သွယ်သွယ်လေးထဲကို ငွေရောင်ကဒ်ပြားလေးတစ်ခု ထည့်ပေးလာ၏။ မမကတော့ ပျက်ယွင်းသောမျက်နှာထားဖြင့်သာ သူမကိုပြန်ကြည့်နေဆဲ။
YOU ARE READING
မြကြေးမုံ
Romance[Unicode] အို...မြကတော့ မှန်တစ်ချပ်ပဲ.. ကိုယ့်ကိုမဲ့ပြတဲ့ ဘယ်မျက်နှာကိုမှ ပြန်ပြုံးပြမှာမဟုတ်ဘူး... Mya Kyay Mone [Zawgyi] အို...ျမကေတာ့ မွန္တစ္ခ်ပ္ပဲ.. ကိုယ့္ကိုမဲ့ျပတဲ့ ဘယ္မ်က္ႏွာကိုမွ ျပန္ၿပဳံးျပမွာမဟုတ္ဘူး... Mya Kyay...
