အနောင်ချစ်ရပါသော တောကမောင်လူဆိုး..(အပိုင်း၂၃)
~~~~~~~~~~~~~~~~~~~~~~~~~~~~~~~~~~~~~~~~~~~~~
ဒီနေ့က သူကြီးဦးလှမောင် အပါအဝင်ရွာသူရွာသားအားလုံး
ပန်းမြိုင်ရွာရဲ့ ဘုန်ကြီးကျောင်းထဲသိုရောက်ရှိနေကြခြင်းဖြစ်သည် ။
အကြောင်းကတော့ ကျောင်းကိစ္စ ဖြစ်သည် ၊ သူကြီး ဦးလှမောင်နဲ့ သူကြီးကတော်မှာလည်း ရှေ့ဆုံးမှာ ထိုင်နေ၍ သူကြီးကတော်က အနောင့်ကိုမြင်တဲ့အခါ အေးချမ်းစွာ ပြုံးသည်ဆိုရုံမှသာပြုံးပြပါသည် ။ သူကြီးကတော့ သူကိုလှည့်ပင်မကြည့်ရှာပေ၊ အနောင်လည်း ဆရာတော်ကြွမလာခင်ချိန်အထိ ရွာကသူတွေရဲ့ တီးတိုးပြောဆိုနေကြတဲ့အသံတွေကိုခံနေရသည် ၊ တစ်ယောက်တစ်ခွန်းပြောဆိုနေကြတဲ့ အသံများကို ခံနိုင်ရည်မရှိသောစိတ်အစဉ်မှာ အနောင့်လက်လေးကို ဆုပ်ကိုင်လိုက်သော လက်နွေးနွေတစ်စုံကြောင့် အနည်းငယ်စိတ်သက်သာရာ ရရှိသွားသည်။
အနောက်မှမင်းထင်နဲ့အနောင်တို့ကိုကြည့်နေသော ပျိုပျိုခင်မှာလည်း ထိုမြင်ကွင်းကိုကြည့်ပြီး အံကြိတ်နေမိပါသည်။သူ၏ စိတ်ထဲမှာလည်း မကျေမနပ်ဖြစ်ရသည် ။ ဒီလိုကိစ္စတွေဖြစ်ပြီး ဒီကျောင်းဆရာက ရွာကထွက်သွားမည်၊ ထိုအချိန်မှ အကိုမင်းထင်ရဲ့အချစ်ကို သူရအောင်ယူမည်လို့ တွက်ဆထားခဲ့တာ အခုတော့ လက်တွေ့နဲ့တခြားစီ၊ မပြန်တဲ့အပြင် အကိုမင်းထင်က သူကိုမပြတ်နိုင်လို့ အိမ်ပေါ်ကပါဆင်းသွားသည်တဲ့လေ။
ဘယ်မိဘမဆို ကိုယ့်သားသမီးက အခြောက်နဲ့ လက်ထက်မှာကိုလိုလားမှာမဟုတ်ပါ ၊ဒါကြောင့်လည်း သူကြီးကိုသူကိုယ်တိုင် ကျောင်းဆရာက မင်းထင်ကိုမြူစွယ်ခဲ့ကြောင်းပြောခဲ့ခြင်းဖြစ်သည် ။ အခုတော့ သူလုပ်ခဲ့သမျှ အရာမထင်သေး၊ ဒီကျောင်းဆရာမရှိမှနားအေးမှာ၊ ဒါမှသူလည်း အရင်လို အကိုမင်းထင်ရဲ့အရေးပေးမှုရပြီး ပြန်နီးဆက်နိုင်မှာလေ
ဆရာတော်ကြွလာပြီ ဆိုကာမှ အသံတွေအကုန်တိတ်သွားရသည်
"ဦးဇင်း ဒီနေ့ ရွာသူရွာသားတွေကို ခေါ်ရတဲ့ကိစ္စကတော့ ကလေးတွေရဲ့ကျောင်းကိစ္စပဲကွဲ့ ၊
ပြောကြစမ်းပါဦး ဘာကိစ္စနဲ့ ကလေးတွေကို ကျောင်းမလာခိုင်းရသလဲ"
YOU ARE READING
အနောင်ချစ်ရပါသောတောကမောင်လူဆိုး
Любовные романыကျောင်းဆရာ.. ကျုပ်ခင်ဗျားကို$ရမ်းချစ်တာ..အဲ့တာခင်ဗျားသိလား..ခင်ဗျားကျုပ်အချစ်ကိုလက်မခံရင်..ကျုပ်မဒိမ်းကျင့်ပြီးယူမှာနော်..ကျုပ်ဘဝမှာမလုပ်ရဲတာဘာမှမရှိဘူး... ..မင်းထင်မောင်.. ~~~~~~~~~~~~~~~~~~~~~~ မင်းနဲ့ငါနဲ့ကဘယ်လိုမှမဖြစ်နိုင်ဘူး..ပြီးတော့ငါ့ကမိန်း...
