Date Written: Dec 30, 2014
==================================================
"Dahil alam kong mas nararapat, na ibigin ka na lamang sa malayo ng lihim at tapat."
Dito sa mundong ating ginagalawan,
Hindi lahat nakakaalam,
Ng mga lihim na damdamin na gustong ipabatid,
Sa takot na kapahamakan nitong hatid.
Sa kaunting silay ako'y nakukuntento,
Kahit likod mo lang ang mahagip ito'y saktong sakto.
Kaya't kabog sa aking dibdib waring hindi mawaglit,
Pagkat nararamdaman para sa iyo'y walang kapalit.
Sinisikap kong huwag kang lapitan,
Kahit kaluluwa ko'y ikaw ang nais makamtan.
Dahil alam kong mas nararapat,
Na ibigin ka na lamang sa malayo ng lihim at tapat.
Kaya ako ngayo'y nagtatago sa likod ng mahikang binabalot,
Binabalot ng katahimikan at hilakbot.
Gusto ko mang kumawala ngunit wala akong magawa,
Makukuntento na lamang kahit puso ko'y kaawa awa.
YOU ARE READING
tainted lines
Poetrydive into the ocean of words and let the tides of nothingness take you to the deepest voids of poetry. are you ready to feel everything inbetween? ©JZA 2015 [this poem collection is composed of poems and prose in Filipino & English. all illust...
