Idiot Seme

56-57

ယွမ်ဆွေဖုန်း ၏ တုံ့ပြန်မှုများအားလုံးသည် အလွန် သဘာဝကျနေပြီး ဟန်ဆောင်ထားသည့် အရိပ်အယောင် လုံးဝ မရှိခြင်းကို ကျောက်ယိလီ လျင်မြန်စွာ သတိပြုမိ သည်။

သူက ယွမ်ဆွေဖုန်း ၏ စရိုက်ကို အသိဆံုးသူ ဖြစ်ပြီး သူကိုယ်တိုင် မလိုလားပါက တခြားသူတစ်ယောက်အား ထိုမျှ နီးကပ်လာခွင့် ပြုမည်မှာ မဖြစ်နိုင်ပေ။

ယွမ်ဆွေဖုန်းက ကျောက်ယွင်ချီကို ကြည့်သည့် မျက်လုံးများထဲမှ နူးညံ့သိမ်မွေ့မှုများသည် ဘေးမှ ကြည့်နေသူများကိုပင် သူတို့နှစ်ယောက်အကြားက အရိုးစွဲအောင် ရင်းနှီးကျွမ်းဝင်ပြီး တစ်သားတည်း ဖြစ်နေသည့် ခံစားချက်ကို ထင်ရှားစွာ ခံစားရစေသည်။

သို့သော် ကံမကောင်းစွာဖြင့် ထိုနူးညံ့မှုနှင့် သဟဇာတဖြစ်မှုသည် ဘေးမှ ကြည့်နေသူများအတွက် မဟုတ်ပေ။

နောက်ဆုံးတွင် ကျောက်ယွင်ချီ မတော်တဆ သီးသွားသောအခါ ယွမ်ဆွေဖုန်း က မျက်မှောင်ကြုတ်၍ လက်ဆန့်ကာ ကျောကို ပွတ်ပေးပြီး အသက်ရှူ ချောင်အောင် ကူညီပေးနေသည့် မြင်ကွင်းကို ကျောက်ယိလီ မြင်လိုက်ရသည်။

ထိုအချိန်တွင် သူသည် ထိုစားပွဲပေါ်တွင် ဆက်ထိုင်ပြီး သူတို့နှစ်ယောက်၏ ရင်းနှီးချစ်ခင်မှုကို ဆက်ကြည့်နေရန် မတတ်နိုင်တော့ပေ။

ရှားရှားပါးပါး စိတ်မတည်မငြိမ် ဖြစ်နေသည့် အခြေအနေဖြင့် အသံတိုးတိုးဖြင့် နှုတ်ဆက်ကာ ထွက်သွားလိုက်သည်။

မုရုန်မော့ ၏ မျက်လုံးများထဲတွင် အရိပ်အယောင်တစ်ခု လက်ခနဲ ပေါ်သွားပြီး နောက်သူလည်း ချက်ချင်း ထရပ်ကာ ကျောက်ယိလီ နောက်မှ လိုက်ပါသွားတော့သည်။

ယွမ်ဆွေဖုန်း စိတ်ထဲတွင် သက်ပြင်းချလိုက်မိသည်။ သို့သော် ယခုအချိန်တွင် သီး၍ မျက်နှာနီနီ၊ နားရွက်နီနီ ဖြစ်နေသော သူ့ဘေးက အရူးကို ထားခဲ့ပြီး ကျောက်ယိလီ နောက်သို့ လိုက်သွားကာ အကြောင်းအရာများကို ရှင်းပြရန် မဖြစ်နိုင်ပေ။

ကျောက်ယိလီ အပေါ် အားနာစိတ် အပြည့်ရှိနေ‌ေသးသော်လည်း လောလောဆယ်တော့ ထိုကိစ္စကို ခဏထားလိုက်ရုံသာ တတ်နိုင်သည်။