Idiot Seme

60-61

ယွမ်ဆွေဖုန်း ဟာမျက်နှာဖုံးတပ် အနက်ရောင်ဝတ်ထားတဲ့လူကို လိုက်ဖမ်းနေရင်း ယန်းလေပေါင်် အနောက် တောင်ဘက်တောအုပ်ထဲ ရောက်သွားတော့ အဲ့ဒီလူက ရုတ်တရက် ပျောက်ကွယ်သွားတယ်။

ယွမ်‌ေဆွဖုန်းက တောအုပ်ထဲ ဝင်ရင် အန္တရာယ်ရှိတတ်တယ်ဆိုတဲ့ ကျန်းဟူ စည်းကမ်းကိုတောင် မစဉ်းစားဘဲ ဆက်လိုက်သွားတယ်။

အဲဒီအချိန်မှာ ခရမ်းရောင်ဝတ်ထားတဲ့ လူငယ်တစ်ယောက်ကို မြင်လိုက်ရပြီး၊ သေချာကြည့်တော့ အဲ့ဒီလူက ကျောက်ယိလီ ဖြစ်နေတယ်။

"ဒီအချိန်ကြီး နောက်တောင်ဘက်ကို ဘာလာလုပ်တာလဲ? အနက်ရောင်လူက သူ့ကို အန္တရာယ်ပေးမလား?" ဆိုပြီး စိုးရိမ်မိသွားတယ်။

ယွမ်‌ေဆွဖုန်းက ကျောက်ယီလီအပေါ် အချစ်ရေးခံစားချက် မရှိတော့ပေမယ့် အရင်က ဖြစ်ခဲ့တဲ့ကိစ္စတွေကြောင့် စိတ်ထဲမှာ အပြစ်ရှိသလို ခံစားနေရသေးတုန်းမို့ သူ့နောက်ကို လိုက်သွားတယ်။

ဒါပေမဲ့ ကျောက်ယီလီကို လိုက်မီတဲ့အချိန်မှာ လူက မတွေ့တော့ဘဲ ပျောက်သွားပြန်တယ်။

ပတ်ဝန်းကျင်ကို စစ်ကြည့်တဲ့အခါ ကျောက်တုံးကြီးတစ်ခုဘေးက မြက်ပင်တွေထဲမှာ လူသွားထားတဲ့ ခြေရာတွေ တွေ့တယ်။ ကျောက်တုံးကို လက်နဲ့ ဖိစမ်းကြည့်တော့ ကျောက်လွှာက လှုပ်ရှားနေပြီး အတွင်းမှာ လျှို့ဝှက်လမ်းကြောင်း ဒါမှမဟုတ် လျှို့ဝှက်ခန်းတစ်ခု ရှိနေသလို ခံစားရတယ်။

သူ တအံ့တဩနဲ့ လက်ဖြင့် ဟိုနှိပ်ဒီနှိပ် စမ်းသပ်ကြည့်ရာ မတော်တဆ ချိုင့်ဝင်နေသော နေရာတစ်ခုကို ထိမိသွားတော့ ချက်ချင်းပင် သူ့ရှေ့ရှိ ကျောက်နံရံက ပွင့်သွားပြီး အနည်းငယ် မှောင်မည်းနေသော ဂူဝင်ပေါက်တစ်ခုနှင့် အောက်ဘက်သို့ ဆင်းသက်သွားသော လှေကားတစ်စင်း ပေါ်လာသည်။

တံခါးဘေး နံရံလေးဘက်ကို ကြည့်လိုက်သောအခါ ထိုနေရာမှာ သန့်ရှင်းသပ်ရပ်နေသည်ကို တွေ့ရ၍ လူများ မကြာခဏ ဝင်ထွက်သွားလာနေသော နေရာဖြစ်ပုံရသည်။ ယွမ်‌ေဆွဖုန်း ခဏမျှ စဉ်းစားပြီးနောက် အထဲသို့ လှမ်းဝင်လိုက်ရာ နောက်ဘက်ရှိ ကျောက်တံခါးသည် ချက်ချင်း ပြန်ပိတ်သွားလေသည်။