Idiot Seme

40-41

ယွမ်စွေ့ဖုန်း  ဘေးမှ အေးစက်စွာ စောင့်ကြည့်နေစဉ်၊ ပေးထားသော ဆေးဖိုးလက်ဆောင်များအစုထဲတွင်မှ အဖြူရောင်ကျောက်စိမ်းဖြင့် ထုလုပ်ထားသော ကြာပန်းနှစ်ပွင့်ကို တွေ့လိုက်ရသည်။

ထိုကြာပန်းနှစ်ပွင့်သည် အချင်းချင်း ယှက်နွယ်ပူးကပ်နေပြီး အရွယ်အစားအားဖြင့်  လက်ဖဝါးသာသာ အရွယ်ခန့် ရှိ၍ ပန်းတစ်ပွင့်ချင်းစီတွင်ပင် ပွင့်ဖတ်ပေါင်း ရာနီးပါးရှိကာ၊ နှစ်ပွင့်အတူ ယှက်နွယ်ထားသဖြင့် ပိုမိုသပ်ရပ်လှပနေသည်။

အထူးသဖြင့် နေရောင်ခြည်ကျရောက်သောအခါ ပွင့်ဖတ်များမှာ ပိုးတောင်ပံပါးပါးကဲ့သို့ ကြည်လင်တောက်ပနေပြီး၊ မြင်လိုက်သူတိုင်း လက်မလွှတ်ချင်လောက်အောင် နှစ်သက်မိစေသည်။

ယွမ်‌ေစွ့ဖုန်း သည် တန်ဖိုးရှိပစ္စည်းများကို ခွဲခြားသိမြင်နိုင်သူ ဖြစ်သောကြောင့်  ဤကျောက်စိမ်းလက်ရာမှာ ရှားပါး၍ အဖိုးတန်‌ေသာရတနာဖြစ်သည်ကို နားလည်သည်။ ထို့ပြင် လက်မှုပညာရှင်၏ အနုစိတ်ထုလုပ်နိုင်မှုကို ကြည့်ရုံဖြင့်ပင်၊ ကျောက်စိမ်းအရည်အသွေး သာမန်ဖြစ်နေခဲ့လျှင်တောင် ဤကြာပန်းရုပ်ထုကို အလွန်တန်ဖိုးရှိသော လက်ရာကောင်းတစ်ခုအဖြစ် သတ်မှတ်နိုင်သေး၏။

ထိုရတနာပစ္စည်းများထဲတွင် နောက်ထပ် မျက်စိဖမ်းစားစရာတစ်ခုမှာ အနက်ရောင်ရှည်လျားသော ဓားတစ်လက် ဖြစ်သည်။

ဓား၏အသွင်အပြင်မှာ ရိုးရှင်းလှသော်လည်း၊ အနားသို့ ချဉ်းကပ်လိုက်သည်နှင့် အေးစက်သော အရှိန်အဝါတစ်ခုကို ခံစားရစေသည်။ ပိုင်ရှင်က ထိုဓားကို လက်ထဲတွင် ငြိမ်သက်စွာ ကိုင်ထားပြီးနောက် ဆံပင်တစ်ချောင်းကို ဆွဲနှုတ်ကာ ဓားပေါ်သို့ တင်လိုက်သည်နှင့် အံ့ဩစရာကောင်းစွာပင် ထိုဆံပင်ချောင်းမှာ နှစ်ပိုင်းပြတ်သွား‌ေလသည်။

ထိုဓားသည် "ဆံပင်‌ေတာင် ဖြတ်နိုင်သော" ဒဏ္ဍာရီဆန်ဆန် လက်နက်ကောင်းတစ်လက်ဟု ဆိုရလောက်အောင် ထက်မြက်လွန်းလှသည်။

ဤမျှ အဖိုးတန်ပြီး ဆွဲဆောင်မှုရှိသော ဆေးဖိုးလက်ဆောင်များကို မျက်နှာချင်းဆိုင် မြင်ရပါက၊ စိတ်တည်ငြိမ်မှုမရှိသူများအဖို့ မူးဝေသွားပြီး ပါးစပ်ခြောက်သွေ့လာသည်အထိ လောဘဇောတက်ကာ လိုချင်တပ်မက်မိကြမည်မှာ မလွဲပေ။