Idiot Seme

62-63

"မင်းက ဘယ်လိုလုပ် ဒီလောက်တောင် အစွန်းရောက်ပြီး အတွေးလွန်နိုင်ရတာလဲ..."

"ဒါဆို သူက ဘာလို့ အရာရာမှာ ငါ့စိတ်တိုင်းကျ လုပ်ပေးခဲ့တယ်၊ ငါ့ကို အမြဲ ခွင့်လွှတ်ပေးခဲ့တယ်၊ ဒါပေမဲ့ အဖေက မျိုးရိုးစဉ်ဆက် လက်ဆင့်ကမ်းတဲ့ ပညာရပ်ကို သူ့ကျ သင်ပေးပြီးတော့ ငါ့ကို ဘာလို့ မသင်ပေးချင်တာလဲ?"

ကျောက်ယိလီ အေးစက်စက် ပြုံးလိုက်ပြီး ဆက်ပြောတယ်-

"တကယ်တော့ ငါက အဲဒီပညာကို သင်ချင်လွန်းလို့ မဟုတ်ဘူး။ ယန်းလေးပေါင်ဂိုဏ်ချုပ် နေရာကိုလည်း မလိုချင်ဘူး။ ငါ သိချင်တာ တစ်ခုတည်းပဲ-အဲ့အရူးက တကယ် ငါ့ကို ညီအစ်ကိုလို ချစ်မြတ်နိုးတာလား၊ ဒါမှမဟုတ် အပြင်ပန်း သဘောကောင်းဟန် ဆောင်နေတာလား ဆိုတာ။"

ယွမ်ဆွေဖုန်း ခဏတာ ဆွံ့အ သွားသည်။

‌ေကျာက်ယိလီက ဆက်ပြီး-

"ငါ ဘယ်လောက်ပဲ တောင်းပန်တောင်းဆိုပါစေ၊ သူက ဒီပညာကို လုံးဝ မသင်ပေးဘူး။ အဲ့ဒီအချိန်မှာ ငါ နားလည်သွားတယ်။ သူက အစကတည်းက ငါ့ကို သတိထားနေတာ။ ငါ့ကို ညီအစ်ကိုလို ဆက်ဆံတာလည်း နောက်လာမယ့် ဂိုဏ်းချုပ်သူ နေရာကို ငါ မခြိမ်းခြောက်နိုင်အောင်ပဲ။"

"အဲ့ဒီနေ့ကစပြီး သူ့ရဲ့ အတုအယောင် အပြုံး‌ေတွကို မြင်တိုင်း ငါ စက်ဆုပ်လာတယ်။"

"ငါ ဘယ်သူ့ကိုမှ မမှီခိုတော့ဘူး။ ယုံလည်း မယုံကြည်တော့ဘူး။ဒါကြောင့် ကိုယ့်ဘာသာ လျှို့ဝှက်အဖွဲ့တစ်ခု တည်ထောင်ပြီး ဒီလို ကိုယ့်ကိုယ်ကို သူရဲကောင်းလို့ ခေါ်နေတဲ့ လူတွေကို ဆန့်ကျင်ဖို့ ဆုံးဖြတ်ခဲ့တာပဲ ။"

ယွမ်ဆွေဖုန်းက တိတ်ဆိတ်နေသည်။ သူက ကျောက်ယိလီ ရဲ့ ခံစားချက်ကို အပြည့်အဝ နားမလည်ပေမယ့်၊ တစ်ဖက်လူ ပေါ့ပေါ့ပါးပါး ပြောသွားတဲ့ စကားတွေထဲကနေ ငယ်စဉ်က အမှတ်ရစရာ မကောင်းတဲ့ အတွေ့အကြုံတွေ ရှိခဲ့မယ်ဆိုတာ ခန့်မှန်းနိုင်သည်။ သို့သော် ဘယ်လိုပဲ ဖြစ်ဖြစ် သူ့ရဲ့ အရူးလေးက တစ်ဖက်လူ ပြောသလို လူမျိုး ဖြစ်တယ်ဆိုတာကိုတော့ လုံးဝ မယုံကြည်နိုင်ပေ။