POSSESSIVE 10: Lath Coleman

CHAPTER 5

CHAPTER 5

PAGKATAPOS KUMAIN ni Haze ay nagtungo siya sa kuwarto at may dala-dalang sopas. Dahan-dahang niyang binuksan ang pinto at parang pusang naglakad palapit sa kama.

"Naririnig ko ang mga yabag mo, wifey."

Napatigil siya sa paglalakad nang magsalita si Lath. Itinirik niya ang mga mata, saka inilapag sa maliit na mesa na katabi ng kama ang ginawang sopas.

"Kumain ka na," sabi niya.

Tinanggal ni Lath ang braso na nakatakip sa mga mata nito, saka tumingin sa kanya. "Ano?"

Itinuro niya ang sopas. "Kain na."

Tumaas ang kilay ni Lath. "Sopas?" Mahina itong tumawa. "Wala akong sakit."

Mabilis niyang diniinan ang sugat nito.

"Fuck! Ouch!" agad na sigaw ni Lath at bumangon.

Napangisi si Haze. "So wala kang sakit?"

Pinandilatan siya ni Lath. "Ewan ko sa 'yo."

Inirapan niya ito. "Kainin mo 'yang sopas na 'yan kahit wala kang sakit. Huwag kang mag-alala, walang lason 'yan kasi wala akong makitang nakakalason para ilagay diyan. At habang kumakain ka..." Umupo siya sa gilid ng kama. "Mag-uusap tayo."

Mataman siyang tinitigan ni Lath, kapagkuwan ay umusod ito palapit sa sopas. As he ate the soup, he stared questioningly at her. "So? May sasabihin ka?"

Tumango siya. "Kailan mo ako ibabalik sa Manila?"

Napatigil ito sa pagsubo. "Hindi pa ngayon."

Tumalim agad ang mga mata niya. "At bakit naman?"

"Kasi kailangan mo munang tanggapin na mag-asawa na tayo."

Pinandilatan niya ito. "Hindi tayo mag-asawa. Hindi ko alam kung ano'ng ginawa mo para maging legal ang marriage certificate na 'yon. You tricked me into signing! Walang kasalang naganap!"

Hinilot nito ang tainga. "Tuwing magsasalita ka, kailangan talagang sumigaw? Hindi ba puwedeng dahan-dahan lang. Ang sakit sa tainga, eh."

Pinukol niya ito ng masamang tingin. "Nakadepende ang boses ko sa kausap ko."

"So feeling mo bingi ako na kailangang sigawan?" Puno sarkasmo ang boses nito. "Well, FYI, okay ang tainga ko. Walang sira."

Inirapan niya ito. "Iuwi mo na kasi ako. Ano ba ang gusto mong makuha sa akin?"

"Your heart—"

"Letse ka!" sansala niya kay Lath.

"Your love—"

"Hinayupak ka."

"Your virginity."

Napanganga siya. "M-my what?"

"Ngayong asawa na kita, may karapatan akong angkinin ka gabi-gabi at araw-araw."

Laglag ang panga niya. "Ano? Araw-araw? Gabi-gabi? Hindi kaya sumabog ang obaryo ko sa kahalayan mo?"

Malakas na tumawa si Lath. "Chill. We'll make it three times a day."

Wala na siyang panga sa kanganganga. "Three times a day? Uy, ano ako, gamot sa kahalayan mo? Hoy, Lath, hindi ako gamot na reseta ng doktor para sa gamot mo sa kabaliwan."

Lath chuckled and she stared at him, admiring how sexy his chuckled was. Napakurap-kurap siya. Holy shit! I am so not going there again!

Huminga siya nang malalim, saka nagtanong uli. "Paano kung hindi ako pumayag sa gusto mo? I don't want to have sex with you, Lath," she said in a flat voice.