Mga Natatanging Tula

Textmate

Sa text unang nagkakilala,

Naging kakulitan at kaibigan pa,

Aking loob sa kaniya'y agad napalagay,

Natatakot na baka aking puso sa kaniya'y maibigay.

Dumating ang araw na nais niyang makipagkita,

Ang aming tagpuan ay sa isang eskinita,

Ako'y nagdalawang-isip kung ako'y tatalima,

Sa bandang huli'y napagpasiyahan ring pumunta.

Nang makarating, ako'y nagtaka,

Isa lamang aking katagpo ngunit bakit ngayo'y lima na?

Ako'y pinagtulungan, ginahasa't inalipusta,

Buo aking pagsisisi't sa kaniya'y nakipagkita pa.

Siya'y aking kinasusuklaman hanggang kaibuturan,

Siya'y aking hindi mapapatawad kailanman,

Akala ko siya'y tunay na mabait at maaasahan,

Ngunit iyon pala'y para lamang ako'y kaniyang maisahan.