Tibok ng puso ko'y 'di ko mapigilan,
Kasiyahan ko'y walang mapagsidlan,
Makita lamang kita'y buo na ang araw ko,
Sapat nang mamasdan ka kahit sa malayo.
Araw-araw hinihiling kong sana ako'y mapansin mo,
Ngitian mo lamang ay kuntento na ako,
Ngunit kung nais mo'y kumaway ka na rin,
Pamamansin mo'y iyo nang lubusin.
Matagal nang sa iyo'y nakabantay,
Mistulang sayo'y patay na patay,
Hindi ko lamang maipagtapat aking nararamdaman,
Sapagkat baka ako'y iyong layuan.
Huwag sanang mag-iisip ng kahit na ano,
Ako'y iyo lamang tagahanga mula sa malayo,
Lihim na umaasang mapapansin mo,
Kahit na estado ko sa iyo'y malayo.
BINABASA MO ANG
Mga Natatanging Tula
ПоэзияSa paggawa ng tula ako'y masaya, Tunay na ako ay naipapakita, Aking talento'y aking naibabahagi, Habang mga gawa ko'y kanilang pinupuri. © PLEASE DO NOT COPY WITHOUT THE AUTHOR'S CONSENT!
