Anong Nangyari sa May Akda?
Marso 2008
Biglang naglagom ang may-akda
Ilang oras din sa bagot na hangi'y tulala
Sawa na raw sa paglikha ng mga tula
Himalang naubusan ng milyones na kataga
Anong nangyari sa may-akda?
Lathalain, sulatin naiwang nakatiwang-wang
Di pa natapos, pamagat na lang ang kulang
Dalangin ng lahat siya'y dumating
Anito sa pader kanilang sasambahin
Kani-kanina lang panatag ang madla
Na anumang oras matatapos ang ginagawa
Patong-patong na gawaing himok ipasadya
Bigla na lamang naubusan ng dugo sa mukha
Ano ang nagyari sa may-akda?
Di matatawaran husay sa pagsusulat
Sa tula niya'y nahuhulog mutya ng kabayanan
Pilantik at banat kailan ma'y di kumunat
Ngiti sa pagsusulat tiyak na makatotohanan
Samut-saring bulung-bulungan at pagtataka
Lagi yata ang pagtingin sa oras kani-kanina
Dala'y isang buko ng mga gumamela
Kay tulin tumakbo sa dako paroon
Iyon pala'y kay Maria Clara siya ay natitikom.
BINABASA MO ANG
ANG MGA NAIKUBLING TULA ("The Kept Poems")
PoetryAng aklat na ito ay naglalaman ng mga orihinal na tulang isinulat ng may akda sa wikang Filipino sa nakalipas ng labing-limang taon. ("This book contains original poems written by Helen Cheng in Filipino in the past fifteen years.")
