8/1/2009
Bulag
Heto ka na naman
Mapusok na kumakatok sa
Marupok na pinto ng aking bahay
Pilit na pumapasok
Di naman diyan ang daanan
Lumingon ka nga sa bandang kanan
Naroon ako
Kay tagal kitang hinihintay
Pipi
Tinatanong kita bakit di ka makasagot?
Kaya 'pag ikaw ang nagtatanong
Wala ka ring makukuhang matinong sagot
Di naman blanko ang iyong isipan
Bakit blangko ang iyong liham?
Bingi
Bakit nariyan ka
Gayung narito ako
Kinakausap mo na naman ang pader
Di mo ba alam na walang buhay 'yan?
Mali kasi ang tinig na iyong pinakikinggan
Masyadong matinis ang lirikong iyan
Di mo tuloy marinig ang taong nais mong makausap
BINABASA MO ANG
ANG MGA NAIKUBLING TULA ("The Kept Poems")
PoésieAng aklat na ito ay naglalaman ng mga orihinal na tulang isinulat ng may akda sa wikang Filipino sa nakalipas ng labing-limang taon. ("This book contains original poems written by Helen Cheng in Filipino in the past fifteen years.")