Binhi
Hulyo 2009
Mula sa isang ligaw na buto
Unti-unting sumibol ang isang binhi
Bagaman madamo ang kanyang kapaligiran
Mapald siyang ginagabayan ng kalikasan
Sa tuwina'y lagi siyang tugaw
Paos at uhaw sa dami ng kanyang kaagaw
Nais niyang mamukadkad
Balang araw ay maging matayog na puno
Siyang magsisilbing tahanan ng mga ibon
Kalauna'y maging lilim ng mga bagong binhi
Ngunit di biro ang maging hamak na binhi
Maraming salot at hamon ang kapaligiran
Mga uod at insektong di makaunawa sa kanyang kagandahan
Minsa'y balakid mismo'y kalikasan
Bagaman ito ang realidad sa buhay ng binhi
Mananatili siyang makunat sa mga delubyong darating
Makapit ang kanyang mga ugat sa buhangin
Yurakan ma'y muling mamumukadkad
At balang araw ay maging isang matyog na puno...
...matayog...matatag....
BINABASA MO ANG
ANG MGA NAIKUBLING TULA ("The Kept Poems")
PoetryAng aklat na ito ay naglalaman ng mga orihinal na tulang isinulat ng may akda sa wikang Filipino sa nakalipas ng labing-limang taon. ("This book contains original poems written by Helen Cheng in Filipino in the past fifteen years.")
