Sa Likod ng Mga Letra
Nobyembre 2006
Balot ng dilim at mapag-isang kapaligiran
Magagalas na damo'y nagsisilbing higaan
S'yang sasalo sa nagyeyelo't makirot na pakiramdam
Hapdi sa gitna ng natutulirong kawalan.
Paglalakad tila paglutang sa malambing na hangin
Tanging hangad hanapin landas na tatahakin
Kandilang tanging liwanag sa ligaw na daanan
Susunog sa balot ng pagsisisi, yayakap sa kapatawaran.
Pusong sawi bigo sa bangis ng pakikibaka
Tanging sandalan puntod na walang pag-asa
Panalangi'y katahimikan ng di mapanatag na konsensya
Handog ay nagdadalamhating rosas ng Dangwa.
Panalangi'y katahimikan ng pusong nagugulumihanan
Patatagin ang sariling dapa kung minsan
Kahit tigang na puntod na lamang ang sandalan
Alaala ang siyang pupuno sa iyong paglisan.
BINABASA MO ANG
ANG MGA NAIKUBLING TULA ("The Kept Poems")
شِعرAng aklat na ito ay naglalaman ng mga orihinal na tulang isinulat ng may akda sa wikang Filipino sa nakalipas ng labing-limang taon. ("This book contains original poems written by Helen Cheng in Filipino in the past fifteen years.")
