Ang Mandaragit
Marso 2007
Sa isang malawak, tuyot na palayan
Umaalingaw-ngaw ang huni ng mga tugaw na uwak
Mata'y nagiinit, 'sing talim ng sibat at itak
Nagmamashid nagbabanta sa marurupok na mga sanga.
Kunwari'y kawani, pilit pagbabalatkayo
Sa mga pangkaraniwan pasimpleng humahalo
Animo'y kasapi yaring samahan
Sisipsip mamamanata upang dinggin ang kahinlingan.
Sa ngalan ng kadakilaang makamtan ang nais
Susuungin ang init, bangis ng langis
Dugyot na langsangan kanyang susuyuin
Sa likod ng lahat, katotohanang trono'y mapasaakin.
Sagot sa lahat ng binabalot ng kababalaghan
Tiktik sa bubong ng may dala sa sinapupunan
Ingat sa punso, huwag yurakan
'Pagkat banta sa atin ay punyal sa lipunan.
Animo'y isang aktor sa pinilakang tabing
Ngiti sa larawan pang-akit sa mga bubuyog at langgam
Husay sa debate at balagtasan mapasakanya lamang
Paambon niyang Ninoy sampal sa kinabukasan.
BINABASA MO ANG
ANG MGA NAIKUBLING TULA ("The Kept Poems")
PoesíaAng aklat na ito ay naglalaman ng mga orihinal na tulang isinulat ng may akda sa wikang Filipino sa nakalipas ng labing-limang taon. ("This book contains original poems written by Helen Cheng in Filipino in the past fifteen years.")
