Likha Para kay Maria Clara
Hulyo 2009
Habi sa pinong hibla, mahabang dahon ng pinya
Baro niya'y 'sing haba ng isang lakbaying pangkalesa
Balot man ng saya ang kanyang katawan
Kagandaha'y di maikukubli anumang tangan-tangan.
Buhok niya'y mahaba, pino at maitim
Nakalugay man o nakaipit, tunay mong mamahalin
'Sing bango ng mga gumamela't kampupot sa hardin
Pino kung kumilos, batid ang kanyang hangarin.
Tamis ng kanyang ngiti pilit mang itago
Ikubli man ng abaniko mababatid pa rin ang yumi ng kanyang labi
Lambing ng kanyang tinig laging umiihip sa hangin
Malahimig anghel, gumugunita sa isip.
Tuwing dapit-hapon, sa kanyang pagdungaw
Mga taong napadaan lamang di mag-ungayaw
Mabali man ang leeg masilayan lang siyang tunay
Kay Simoun man o Ibarra, walang masakit na pilay.
Masinop sa kanyang mga samutsaring kagamitan
May natatanging talento, yumi at kagandahan
Maria Clara ang kanyang ngalan
Babae. Pilipina. Ginagalang.
BINABASA MO ANG
ANG MGA NAIKUBLING TULA ("The Kept Poems")
PoetryAng aklat na ito ay naglalaman ng mga orihinal na tulang isinulat ng may akda sa wikang Filipino sa nakalipas ng labing-limang taon. ("This book contains original poems written by Helen Cheng in Filipino in the past fifteen years.")