That summer |complete| [editing]

chapter 8 -flashback padin po ito

Chapter 8 - flashback padin po ito.

"HAAAYYY..." Pang ilang buntong hininga ko na ba ito ngayong araw? Sobrang nabo bother ako sa sinabi ni Ate Darlyn kagabi eh.

*****

"I really like Arlan, Baby Ann, tulungan mo naman akong mapalapit sa kanya oh.." Si Ate Darlyn na kase yung naghatid sakin sa kwarto ko pagkatapos gamutin ni nanay yung mga sugat ko. Nakahiga na kami sa kama ko nun, ayaw niya pang umalis dahil hindi pa daw siya inaantok. baliktad eh, kung kelan uminom ng gatas saka sinusumpong ng insomnia.

Wow lang ha?! torture eh.. Hindi ko na nga alam kung anong dapat kong sabihin sa kanya, nauubusan na nga ako ng ikwe kwento wag lang kaming bumalik dun sa topic tungkol kay Arlan pero dun at dun parin kami bumabagsak. Ang masaklap pa neto balak pa atang mag sleep over sa kwarto ko tong babaeng 'to.

"Pero ate, hindi mo na naman kelangan ng tulong ko para mapalapit sa kanya eh.. kayang kaya na ng charms mo yan." sabi ko nalang pero labas sa ilong ko yung mga salitang yon.

"You think so? pero para kaseng uhmm.. I don't know.. parang may restrictions kase siya eh. Parang ilang na ilang siya sakin.. Na parang napipilitan lang siyang samahan ako dahil inutusan siya ni Daddy." nakapout na sabi niya habang iniikot ikot yung buhok niya sa daliri niya.

Napangiti naman ako ng lihim sa mga sinabi niya. So ibig sabihin talaga, hindi gusto ni Arlan yung mga nangyayari ngayon?

"Tingin mo ba, may girlfriend na si Arlan kaya hindi niya ako napapansin?" sabi niya pa saka niya inangat yung ulo niya para makita yung mukha ko.

"Uhmm wala pa.." Hindi ko alam kung bakit yun yung lumabas na salita galing sa bibig ko.. nagkusa eh.

Bigla naman siyang ngumiti saka humiga ulit tapos kinuha niya yung unan sabay takip sa mukha niya saka tumili.

"KYAAAAHHHHHHH!!! OH MY GOD!!! AND I THOUGHT IKAW ANG GIRLFRIEND NI ARLAN!!! OHMYGOD KINIKILIG AKO!!!! I'M GONNA MAKE HIM MINE!" natahimik na lang ako.

Kung pwede ko lang sabihing "BACK OFF, HE'S MINE!" ginawa ko na.. kaya lang ayokong magkatampuhan kami ni Ate Darlyn eh, kahit naman inaaway away ko siya sa utak ko, mahal ko naman yan.. Isa pa, hindi naman ko pa naman talaga boyfriend si Arlan diba? May mutual understanding kame, oo. Pero hanggang dun palang yun. Ayokong mamaga ang singit ko sa kurot ni nanay.

Isa pa,hindi naman ako yung kontrabida sa storyang ito kaya bait baitan ako. Mukha namang crush lang ni Ate Darlyn si Arlan eh.. Parang pasko lang naman yang pagsintang pururot niya kay Arlan, Lilipas din.

"Ano ba yung gusto ni Arlan pagdating sa babae?" tinukod ulit ni Ate Darlyn yung ulo niya sa may kamay niya para nakaangat yung ulo niya.

Tipo ni Arlan sa babae? Hmmm malamang ako. Ahihiihi landi! "Ahmm, gusto niya yung simple lang, walang kolorete sa katawan. Mahaba yung buhok, medyo malaman daw para huggable, gusto niya din yung magaling mag drawing saka kumanta." sobra akong nadala sa mga sinasabi ko na hindi ko na narealize na dine describe ko na pala yung sarili ko.