Reforming the Villainess (Reincarnation #1)

Chapter 10

#RTVillainess10

". . . PWEDE BANG LUMAYO ka sa kanya simula ngayon?"

Tinignan ko maigi si Jamila kung nagbibiro ba siya pero hindi. Walang bahid ng kalokohan ang mukha niya ngayon.

"Bakit ko naman kailangan lumayo?" ani ko sabay pilit na ngumiti. "Magkaibigan kami ni North, Jamila. Sinabi ko rin naman na sa'yo na hindi ko siya gusto 'di ba at walang namamagitan sa amin."

Something feels off here. The way she glances at me whenever we bump into each other, the tone of her voice tuwing magkausap kami at ang paminsang-minsang banat niya na may halong pang-aasar.

"Hindi pa rin ako kampante doon!" bahagyang napataas ang boses niya na ikinabigla ko. Mukha rin nabigla siya sa tono niya.

What the hell?

Palaging composed si Jamila. Kahit maliit na bagay na naiinis siya, never siyang sisigaw o magpapakita ng inis niya. She also sees the good in everyone.

Kaya ano ang nangyayari sa kanya ngayon?

"Jamila . . . are you okay?"

"Okay lang ako," tipid niyang tugon. "Pero please, Brielle? Kahit hanggang makaamin lang ako kay North. Kahit hanggang doon lang iwasan mo siya."

"Bakit ba kasi? Ilang beses ko bang sasabihin sa'yo na hindi ko naman siya gusto—"

"Pero paano kung siya mismo ang may gusto sa'yo?"

Natameme ako doon at hindi ko mahagilap ang sasabihin ko. Unti-unting napaawang ang labi ko sa reyalisasyon.

Jamila felt threatened with me around.

"Nakita ko kung paano siya kumilos kapag ikaw ang kasama niya, Brielle. Madaldal siya kapag ikaw ang kasama niya na hindi usual kay North. Palagi rin siyang nakasunod sa'yo. Maalaga rin siya sa'yo at nakikita ng lahat kung paano ka niya tignan. Everybody's talking about the two of you. Kahit ang mga ka-block ko, laging kayo ang laman ng usapan."

Natigilan ako dahil sa mga sinabi niya. Ngayong sinabi niya ang mga ito, doon ko napagtanto na totoo nga ang mga 'yon. North's actions for me should've been for Jamila from the start.

'Yon ang nilagay ko sa kwento.

The snob man's soft spot is for Jamila.

Siya dapat ang sinasamahan ni North, dinadaldal, inaalagaan, at sa kanya lang dapat hindi masungit si North.

Because that's how he expresses his love . . .

"Do you get my point, Brielle?"

Tinignan ko si Jamila. Naiiyak na siya habang nakatingin sa akin. I couldn't say anything. Pakiramdam ko . . . kung ano man ang sabihin ko ngayon ay magmumukhang excuse lang para sa kanya. Sarado na ang isip niya at desidido na siya sa pabor na hinihingi niya sa akin.

"Jamila—"

"Alam ko naman na hindi natuturuan ang puso. Pero paano kung akala lang niya na gusto ka niya dahil ikaw ang lagi niyang kasama. What if 'yung pagiging dependent niya sa'yo napagkamalan niyang pagmamahal?"

She's right.

"Kahit ito lang, Brielle. Ako . . . Ako naman," mahinang usal niya.

My heart ache for her. She's really determined to pursue North. She's fidgeting with her fingers.

A tear dropped from one of her eyes. I panicked and I immediately looked around. Baka naman akalain nila inaaway at pinaiiyak ko si Jamila.

"Oh my gosh. Don't cry," wika ko. "Fine. I'll stay away for the mean time."