Unsaid Words

SABAY

May kaibigan ako na syang nagkwento nito

Marahil iniisip nyo na ako mismo ito

Ngunit nagkakamali kayo

Dahil totoong sa kanyang istorya ito

Maniwala man kayo sa hindi

Sa intindihin nyo man o isawalang tabi

Mahalaga'y maisulat ko itong kanyang nadarama

Nadarama? O ang kanya mismong istorya

Umpisahan natin sa simulang-simula

Sa pinag-ugatan ng sakit at saya nya

Kung saan siya tumawa at umiyak

Kung saan nakadama siya ng lungkot at galak

Balikan natin ang nakaraan

Kung saan silang dalawa ay matalik pang magkaibigan

Kung saan sa kanilang dalawa lang umiikot ang lahat

Basta magkasama silang dalawa, masaya kahit sa kaibigan ay salat

Nagsasayang parang mga bata

Nag-uusap kahit walang pag-uusapan

Walang ibang nakikita kundi ang isa't isa

Sa kanilang dalawa, pagkakaibigan ay walang hangganan

Akala ng lahat ay 'sila'

Akala ng lahat ay sila na ang para sa isa't isa

Palaging magkausap, magkatawanan, magka-chat at magkasama

Sila nga ba hanggang huli?

Matutulad ba ang kwento nila sa karamihan sa mga kwento sa wattpad?

O may ibang twist na mangyayari sa kanya?

Ipagpatuloy natin ang kanyang kwento

Sa lahat ng kanilang naririnig na 'Uy! Kayo na ba?'

Ang tangi lang nilang sagot ay 'Ewan' o kaya ay 'Di ah!'

Pero makikita mo sa kanilang mga mata ang kinang

Ang saya sa tuwing sila'y nagkakaksama

Sa tuwing kinukulit sila

Tanging ngiti at pagtawa lamang ang kanilang sagot

Ano nga ba sila?

Kung may 'sila' nga bang talaga

Ang saya sigurong sabihin nila na 'Oo kami na.'

Subalit hindi umabot hanggang doon

Sapagkat ang namamagitan lang sa kanila ay 'M.U'

Na sa iba ay 'Malanding Ugnayan' lamang

Pero ano nga ba talaga?

Kung ang pakikinggan ay pananaw ng iba

Sila na. Oo sila na

Ngunit sa kanilang dalawa ay walang namamagitang 'sila'

Dahil may mahal na iba ang isa sa kanila

Samantalang ang isa ay umaasa na sana sya na lang

Ang sakit pakinggan diba?

Na habang ang isa ay masayang nagmamahal ang isa ay palihim na nasasaktan

Oo. Ang istoryang ito ay ang kanyang palihim na pagmamahal

Pagmamahal sa tinuring na nyang 'bestfriend'