High School Zero

Chapter Twelve

Chapter Twelve

"Are you serious, Helga?" tanong ni Cami sa kaibigan niya. "Gusto mo talagang gawin 'to?"

"Helga, pag-isipan mo muna kung itutuloy mo," sabi ni Fatima.

"Tama sila, hindi madali ang binabalak mo," sabi ni Lizel. "Si Tammy Pendleton ang pinag-uusapan natin dito. Ayokong ma-kickout."

"She's right. Last chance na 'to na binigay ng parents ko sa'kin. Ayokong pumunta ng states para lumipat ng school," sabi ni Cami.

"At kung totoo nga ang sinasabi mo, mahirap patunayan 'yan," sabi ni Fatima.

"Ano'ng gusto ninyong gawin ko? Hayaan siya na paglaruan tayo? And why are you guys so against this plan? Hindi ba at ayaw nyo rin naman sa kanya?" inis na tanong ni Helga sa tatlo. "Look, I just want you to help me. Are you in or not because if not then stop wasting my time."

"Err... It's not like ayaw ka naming tulungan, Helga. It's just that..."

Nagtinginan ang tatlong babae. Hindi sila sigurado sa pina-plano ni Helga. Totoo na noong umpisa ay wala silang plano na makipag-lapit kay Tammy. Balak talaga nila itong layuan noon. Pero ang Tammy na kilala nila ay matulungin at masarap kasama. Ang hirap paniwalaan na niloloko lang sila nito.

"Ugh! Forget it. Bahala kayong magpaka-tanga sa kanya. Stupid!" ani ni Helga saka mabilis na umalis.

Naiwan sa music room ang tatlong babae.

"Totoo ba talaga ang sinasabi ni Helga?" tanong ni Cami.

"Nakita ko siya kasama si Hanna Song kahapon. Sa tingin ninyo naimpluwensyahan lang siya?" tanong ni Lizel.

"Nabasa ko nga ang mga tweets ni Hanna, mukhang may pinapatamaan," sabi ni Cami.

"Halata naman kung kanino 'yon..."

"Maybe she's bitter kasi hindi na siya number one school idol."

"Sa ngayon, tignan nalang natin kung ano ang mangyayari," sabi ni Fatima.

"Pero hindi ko maintindihan si Helga."

"Parang ang laki ng galit niya kay Tammy."

"True. Ano kaya ang nangyari?"

"Who knows?"

***

"Settle down, settle down," ang sabi ng babaeng instructor nang pumasok sa loob ng classroom. "May mahalaga akong announcement sa inyo. Sigurado ako na aware kayo na sa sabado na ang start ng tournament. At isa sa mga kaklase ninyo ang nakapasok."

Nagtinginan ang mga estudyante kay Tammy.

"Pero may isa rin sa inyo na pwede pang sumali kung nanaisin ninyo."

Nagkaroon ng bulungan sa klase. Hindi nila inaasahan ang sinabi ng guro.

"Ano po'ng ibig ninyong sabihin?" tanong ng isang lalaki.

"Sa bawat klase, kinakailangan ng isang beta. At sa naganap na meeting ng mga faculty kahapon, napag-desisyunan na bigyan ng isa pang pagkakataon ang klase ninyo para makapasok ang isa pa. Ito rin ang unang beses na babae ang nakapasok para mag-represent ng isang klase." Tumingin ang babaeng guro kay Tammy. "I'm sorry, Ms Pendleton. Hindi maiiwasan na mag-alala ang faculty. Kailangan mong labanan ang isa mong kaklase sa tournament."

"I understand," sagot ni Tammy.

Natahimik sandali ang klase dahil sa naging anunsyo. Isa sa mga lalaki ang mabibigyan ng pagkakataon na makasali sa tournament. Isa sa kanila ang may pag-asa na maging Alpha at King ng mga first years.