High School Zero

Chapter Thirty-Eight

Chapter Thirty-Eight

"Hindi parin ba pumapasok si King?" tanong ng isang first year na babae sa mga kasama niya. Nag-apply siya ng foundation habang nakatingin sa malaking salamin sa loob ng ladies room.

Napatigil sa pag-aapply ng lipstick ang kaibigan nito. "Narinig ko sa kabilang section na humingi ng leave si King. Pumunta rito yung Mama niya nung nakaraan."

"Ano?! Pumunta rito yung Mama ni King?! Sayang hindi ko naabutan! Gusto ko ng autograph!" singit ng isa pa nilang kaibigan. Sa gulat nito sa narinig ay namali ito sa paglalagay ng eyeliner.

"Sikat ba yung Mama ni King Tammy?"

"Duh! Oo kaya! Hindi ka ba nagbabasa ng business magazine? Nung nakaraan lang, kinover nila yung company nila."

"Hindi e. Celebrity magazine lang ang binibili ko. Ano ba ang hitsura ng Mama ni King Tammy?"

"Natural, isang Dyosa na bumaba sa langit. Alam nyo ba, sikat na sikat yung company nila. Marami silang VIP clients sa high society. Puro mga politicians at mga A-list celebrities ang lumalapit sa kanila."

"Ano ba yung company nila? Bakit ang daming lumalapit sa kanila na VIP?"

"Greywolf Royal Security - isa iyong bodyguard company. Based sa nabasa ko sa magazine, sila ang number one choice kung gusto mong mag-hire ng bodyguards. Intense yung training nila. Yung trainers doon mga retired mercenaries. Nabasa ko roon na bukod sa combat training, may survival training din sila sa isang uninhabited island. Puno ng traps, wild animals, at CCTV na papanoorin ang bawat kilos mo."

"Wow! Intense nga. Gusto kong mapanood 'yan sa TV."

"Yung mga royal guards ba rito, doon din galing?"

"Siguro? Royal guards ang tawag sa kanila e."

"Totoo ba na galing sa Perez clan, as in Perez, ang Mama ni King?"

"Oo, sabi ng Mama ko, natatandaan niya na dapat sa School Chairman natin ikakasal ang Mama ni King. Naging hush hush scandal 'yon sa high society noong hindi iyon natuloy."

"Ano'ng hush hush?"

"Bawal pag-usapan pero alam ng lahat. Ano ka ba? Bakit hindi mo alam?"

"Hehe." Hindi niya masabi na kina-classify ng iba ang pamilya nila bilang 'nouveau riche'. Outsider sila kung maituturing sa high society kahit na marami silang pera.

"Uy guys, lumabas na yung report tungkol sa slasher!" sabi ng kaibigan nila na nakatingin sa cellphone nito.

May nag-post sa forum kung sino ang slasher. Naging hot topic ito kaagad.

"Patingin!"

"Babae ba 'yan?"

"Parang..."

"Babae pala ang slasher?"

"Pfft! Hindi na ako magtataka kung bakit galit na galit sa magaganda itong slasher. Hindi naman kasi siya mukhang babae."

"More like a gorilla! Hahaha!"

"Hard."

"So, ano raw ba ang kwento? Bakit daw niya ginagawa 'yon?"

"Sabi rito, mukhang nabaliw yata yung babae after niyang malaman na niloloko siya ng boyfriend niya. And wow, captain pala siya ng volleyball team at nag-cheat sa kanya ang boyfriend niya with a freshman na member din ng volleyball team."