Para sa taong napakalapit lang sa'kin
Pero hindi ko kailanman kayang abutin
Para sa taong nariyan lang sa tabi ko
Pero ang puso ay nasa ibang tao
Para sa taong matagal ko nang pinapangarap
Pero iba ang kanyang hinahanap-hanap
Para sa taong nagagawa akong saktan
Pero ni hindi niya man lang nalalaman
Para sa taong dahilan ng mga ngiti ko
Pero dahilan rin ng pagtulo ng luha ko
Para sa taong palagi kong sinusulyapan
Pero ni minsan ay hindi ako nagawang tingnan
Para sa taong nagbibigay kulay sa buhay ko
Pero siya ring nagpapagulo nito
Para sa'yo na nag-iisang lalaking mahal ko
Pero alam kong iba ang gusto
Para sa iyo ang tulang ito...
