Isdang nangarap makalipad
Imahinasyo'y kung saan na napadpad
Isang ibon na marikit
Hanggang tingin na lang mula sa langit
Sakali mang wala akong kaliskis
Posible kayang kahit minsa'y magkalihis
Kung mayroon ring mga pakpak
Masusundan iyong bawat yapak
Mula sa kailaliman ng tubig
Pasimple na lamang sisilip
Ibong na titingalain sa taas
Hinahadlangan ng batas
Hindi kailan man maabot
Subalit hindi rin mapapagod
Sisilayan mula sa malayo
Baka sakaling may milagro
