[ON-GOING] Tatay Na Si Oh Sehun

Ikalabing-dalawang Kabanata

Nagising ako nang maramdaman kong parang mabigat iyong katawan ko. Pagdilat ko ng mga mata ko, akala ko nakahiga sa ibabaw ko si Andy pero wala naman. Saglit akong nanatili sa kama dahil biglang umikot iyong paningin ko. Ano ba ito? Bakit parang hindi maganda iyong nararamdaman ko?

"Mama!" Sigaw ng isang hindi pamilyar na boses ng batang babae.

Pagtingin ko sa cellphone ko na nakalagay sa bedside table, napabalikwas ako ng makita ko kung anong oras na. Hala! Alas dose na ng tanghali at may pasok si Andy ngayon! Kaya kahit na masakit iyong ulo ko ay pinilit ko pa ring bumangon.

Nadatnan kong may isang batang babae na nakaupo sa couch. Akala ko pa nga si Aioffe pero maikli iyong buhok ng bata na ito at hindi rin kulot iyong dulo. Naglakad ako papunta sa likod niya habang nakasuporta iyong dalawang kamay ko sa couch. Maingat akong naglalakad para hindi niya ako mapansin pero nagulat ako nang bigla siyang lumingon.

"Hello po!" Nakangiti niyang sabi na para bang alam niyang nasa likuran niya ako. "Mabuti naman po at gising na kayo! Ako nga po pala si Denise."

"H-hello? Pero anong ginagawa mo dito sa bahay namin?"

Bago pa man makasagot si Denise ay bigla nalang sumulpot si Baekhyun hyung sa harapan namin habang dala-dala iyong tray ng pagkain. "Uy! Gising ka na!" Nagulat niyang sabi at ibinaba iyong dala niya. Maingat niya akong inalalayan papunta sa couch na para bang anytime ay pwede akong mabasag. "Kamusta na pakiramdam mo? Tatlong araw kang tulog, Sehun!"

"H-huh?"

"Hindi mo man lang sinabi sa amin na inaapoy ka na pala ng lagnat! Mabuti nalang at binisita ka ni Jiyoon sa kwarto mo noong isang araw dahil alas dose na hindi ka pa lumalabas!"

Ako? Tatlong araw ng tulog? Posible ba iyon?

"Denise, anak, halika nga rito. Pupunasan ka ni Mama ng pawis," saad ni Baekhyun hyung.

"Anak mo siya, hyung?" Hindi makapaniwalang tanong ko habang nakaturo sa batang si Denise. "Kanino?"

"Anong kanino?!" Hinampas ako ni hyung ng towel. "Baliw ka! Mahabang kwento kasi. Kasalanan mo kung bakit ka outdated. Matulog ka ba naman ng tatlong araw, eh!" Napanguso nalang ako. "Anyways, anak namin ni Chanyeol si Denise. Inampon namin siya. Iyong araw na natagpuan ka ni Jiyoon na inaapoy ng lagnat sa kwarto mo ay iyong araw din na dumating si Denise dito."

Napatango nalang ako habang tinitignan si Denise. Mukha namang mabait iyong bata. Friendly pa. Close na kaya sila ni Andy? "Hyung. . ." Napatingin si Baekhyun hyung sa akin. "Nasaan iyong mag-ina ko?"

"Ah. . Si Jiyoon nasa school at binabantayan si Andy. Siya palagi iyong naghahatid at sundo sa anak niyo. Mabuti nalang at marunong mag-drive si Jiyoon kaya nagagamit nila ni Andy boy iyong Montero mo. Mabuti na rin at gising ka na. Ilang araw ka ng hinahanap ng anak mo! Hindi namin pinaalam iyong sitwasiyon mo dahil ayaw naming mawala si Andy sa focus sa pag-aaral. Sinabi nalang namin na may biglaang conference meeting ka sa Ayala kaya hindi ka nakakauwi ng bahay."

Tumango nalang ako at naglakad palabas ng bahay kahit medyo masama pa iyong pakiramdam ko. Hindi ko pa rin masikmura iyong katotohanan na tatlong araw na pala akong tulog. Kaylan pa naging ganito kahina ang immune system ko?

Nakatingin lang ako sa kawalan nang bigla ko na namang naramdaman na umiikot iyong paningin ko. Mabuti nalang at napasandal ako sa porch ng bahay kaya hindi ako natumba ng walang kamalay-malay.

Pumukaw ng atensiyon ko ang bagong dating na itim na Montero Sport sa gilid ng kalsada at alam kong ang mag-ina ko iyon. Tumama lalo ang hinala ko nang biglang bumukas ang driver's seat at bumaba si Jiyoon na nabigla sa pagkakakita sa akin sa kinauupuan ko.