#جنين1
بقلمي: جنان 📝
عمرها 15 سنة جميله سنفوره مشاكسه و دلوعه ما كانت بتحب تطلع من البيت كتير الا الشديييد القوي في مره ناس بيتم ماشين عيد ميلاد احد من قرايبم اضطرت تمشي معاهم جميله ما محتاجه زينه لمسات خفيفه و طلعو مشو الحفله و سبحان الله مشكستها خلتها في البيت قاعده رااايقه و ساكته والبنات كلهم يتونسو و يضحكو و يرقصو قامت قربيتم ندتها جنين تعالي حبيبتي اخدي الكاميرا صوري (طبعن حمدت الله ان هي البتصور عشان ما في زول يصور) و بقت تصور في عوارات البنات بس في زول هناك منتبه ليها و بالو مع المزه دي خال الولد العاملين ليهو عيد الميلاد
نقيف هنا نتعرف عليهم جنين (البت المزه) سامي (خالو😜) خالتو سوسن ام جنين و عمو احمد ابو جنين اخوانها جاسر الكبير جهاد اصغر منها جنة الصغيره ( اسم زي😂😂😂😂)
عائله سامي اختو خالده و زوجها ابراهيم يبقي خال سوسن ام جنين سامي توم وتومو في السودان لي قدام حنعرف قصتم
نرجع للحفله طبعن جنين مندمجه بتصور في الشفع و مبسوطه و فجاء تسمع صوت وراها ارتاحي انا بصور اتخلعت اتلفتت تعاين لي ماعرفت دا منو بس ادتو الكاميرا و مشت و ما سئلتو انت منو خلع با سماحتو ( انا زاتي اتخلعت😌😌) بقي يصور و مركز مع جنين وانتهت الحفله واي زول مشي بيتو بس سامي ما نام و ما قادر يسئل اختو من البت دي اليوم التاني ناده الشفع تعال يا عبودي منو الكانت شيلاك امس دي
عبودي: الحلوه دي تنين صورت معاي يا حالو ( طبعن خالو مافهم الاسم من عبودي 😂😂😂)
بقي راسو يضرب يقلب و ماعارف يعمل شنو
نمشي نشوف جنين نستووو اساس ههههه و مشت يوم عادي و مشت المدرسه والمسكين بهناك قلبو واجعو استسلم سامي و مشي سئل اختو منها وقالت لي دي جنين بت سوسن ياخ قال لي ما حصل شفتها قالت لي جنين ما قاعده تطلع طوالي عشان كدا و ها وبقي يسئل ويسئل منها لمن بقت حركتو ظاهره ( اتقل شوي) غايتو تاني وين يلاقي جنين بحنس في اختو عشان يوديهم ليهم يزوروهم قالت لي الاسبوع الفات كانو معنا حست با اخو بالو في جنين جهزت و مشت مع و قاعد في الصالون مع اخوان جنين جاسر الكبير في اول جامعه و جهاد في المتوسط اندمجو ونسه و قصص و هو بالو ووووين غايتو بمشي فيهم ما معاهم نهائي بهناك جنين تلعب مع عبودي و يتونسو وخالده تلمح في الكلام والله يا جنو الشريط كلو انتي ما شاء الله كنتي عسل بس اصلا ما تخيلتك تجي والله انبسط با جيتك كلنا انبسطنا لمن سامي سئلني منك تسلمي يا خالتو ما سئلت من سامي منو لكن سوسن ما خلت الموضوع سامي ما شاء الله طولت ما شفتو كبر والله لمن شفتو ما عرفتو والونسه استمرت و سامي هناك يتململ قام رسل لي اختو رساله نمشي بعد كدا علي امل جنين تطلع تسلم عليهم و هم طالعين طلعو لكن للاسف جنين ما طلعت تسلم يا حليلك يا سامي لسه ما عرفت جنين كويس طبعن قلبو وجعو شديد و رجع البيت زعلان والشارع كلو خشمو ما فتحو معاهم يتكلمو و عبودي يحكي وهو ما سامع اساس اختو حست بيهو قالت لي يا سامي طبعن انت ما بتعرف طبع جنين خجوووله شديد و ما قاعد تطلع رغم انها مرحه و وناسه و عسل بس و طبعن يادوب ابتسم و شفنا سنونو 😂😂😂😂 لمن بقت تحكي لي عن جنين وصل البيت و قاعد بقي بس سرحان في البت المن اول مره وجعت قلبو ( ياخ انا زاتي قلبي وجعني)
نمشي نشوف جنين قالت ياربي سامي دا الولد الشال مني الكاميرا انا مالي بفكر فيهو اااف يا جنين انتي جنيتي طلعي الفارغه دي من راسك عندك قرايه وبقت تتكلم مع نفسه تنفي و تثبت و جاطت جوطه لمن نامت و عدي اسبوع جنين في مدرسته و سامي في شغلو وبفكر كييييف اصل لي جنين بعد تعب مالقي غير اتصل علي في تلفون البيت و يارب ترد هي اتصل رد جاسر قفل الخط تاني اتصل رد جاسر قفل فقد الامل قال تاني بعد ساعه يتصل طبعن جاسر يفتح الخط ينبز بره و جوه كمان دا شنو الهبل الجديد دا يتصلو ويقفلو 😂😂😂😂 ( انت ما عارف حاجه دا العاشق الولهان) جاسر فضل لي اسبوع ويسافر السودان اجازتو حتنتهي ماشي الجامعه اتصل تاني بعد ساعه لقي التلفون مشغول رجع تاني ردت جنين لان كانت بتتكلم مع صحبت علي واجب في المدرسه و طوالي دخلت في شمال يا رنا انتي بتقفلي فجا وانا بتكلم وحكيت قصتي كلها القي الخط قافل حماره دي طبعن هو عرف ان دي جنين وقلبو بقي يرقص رقيص من الفرح المكالمه
سامي: سلام عليكم
جنين🙄🙄 اتخلعت الو منو ما رنا
سامي: لا انا سامي ازيك انتي جنين
جنين: اي انا
سامي: ردي السلام
جنين: معليش و عليكم السلام
سامي: اكيد ما عرفتني
جنين: لا ماعرفتك عايز جاسر دقيقه انادي ليك
سامي: لا لا استني انا ما عايز جاسر انا عايزك انتي
جنين: اتخلعت لمن قفلت الخط
والدهشه لسه فيها و هو يتصل ما ردت لمن دق مرتين ردت
جنين :الو معليش الخط قطع
سامي: ولا يهمك انا سامي اخو خالده
جنين: هلين بيك عايزني في شنو
سامي: صراحه انا ما عارفه اقواليك شنو لكن انا من يوم عيد ميلادي عبودي ما فرقتي تفكيري جنين انتي جننتيني
جنين: سااااكته تسمع
سامي: جنين انتي سامعه
جنين: اي
سامي: والله ما بلعب عليك والله العظيم انا ماعارفه حصل لي شنو جنين انا اسفه بس جد انتي بهدلتي حالي و جيت المره الفاتت عشان اشوفك بس قالو القمر حتي بليل ما بيطلع خجول
جنين طبعن متبكمه بتسمع وعندي احساس قتلتو وقام حيا بعد الكلام دا 😂😂😂😂 لكن طبعن ميته خجل سامي لسه بتكلم و هي سرحت هنااااك ما سامعه اصلا ( غايتو حب اول نظره دا ببشتن بشتنه شينه خلاص 😅😅😅)
سامي: جنين قوالي حاجه
جنين: اسفه بس انا عندي دراسه لازم اقفل لو سمحت ما تتصل تاني
سامي: عليك الله اسمحي لي بس اسلم عليك والله العظيم انا ما قصدي غير كل خير
جنين: لو سمحت انا حكلم بابا لو اتصلت تاني مع السلامه (بتقول كدا و قلبها وجعها من جوووه شديد)
سامي: انا اسفه اني ازعجتك بس ما بفقد الامل مع السلامه
قفل الخط و قفل اشواق جواي
قفل الباب البعد ما فتح
طيب خليهو موارب بس اشوف عينك اسلم ليك
