#جنين28
(الحلقه الاخيره 😭😭) الجزء الاول
بقلمي: جنان 📝
طاااااال الانتظار
يا احمد انا مفروض ما اجيك تاني لان جيتك ورديتني لكن انا عشان ولدي بعمل اي شي و برجع الف مره ( قام جاسر ساق سامي بره و طلعو خلوهم يتكلمو عشان جاسر عارف ابوهو كلامو شين مافي داعي يسمعو) و بعدين انا جد اولادك ديل وسامي دا تربتي و لدي مش اخو زوجتي وانت عارف كدا وريني انت ساكت و عندك كلام في راسك،،، يا ابراهيم البت ما خلصت جامعتها لسه،،، يا احمد انت سئلت من رئيها ولا بس بتقرر براك انت ابوها واي شي لكن بعد دا هي بقت بت كبيره واعيه عاقله بتقدر تقرر عن نفسها،،، كدي خلاص لمن تخلص السنه الاخيره دي نسئل من رئيها عشان ما تنشغل،،، علي الطلاق يا احمد اليله خالده راجعه اهلها لو ما حسمت الموضوع دا واتصل علي جنين هسي دي انا دا بتصل علي،،، ابراهيم ما تزعل من كلامي والله سامي مافي ولا كلمه،،، خلاص مدام مافي ولا كلمه نقول مبروك،،، والله يا براهيم ما تطلع من بيتي زعلان علي بركه الله نتصل علي جنين و نادي امها و خالده يسمعو ( دا كلو و جاسر و سامي بره طلعو الشارع من التوتر)
رررررن رررررن رررررن 📞
الوووو
ابراهيم:جنو حبيبه ازيك
جنين: جدوو ابراهبم اهلييين مشتاقين
ابراهيم: والله بالاكتر يابت الكلب ما بتسئلي مني
جنين: ههههه اعفي لي يا جدو والله درش شديد بس قربت كلها 15 يوم واخلص واجي
ابراهيم: اتصلنا عليك ديرينك في موضوع انا مع ابوك و امك و خالده حفتح الاسبيكر
جنين: ان شاء الله خير ياجدو قلقتني
ابراهيم: جنو بابا حيكلمك تمام
احمد: جنو ازيك يا شينه يا كبيره يا بقيتي عروسه😂
جنو: هههههه بتين بقيت دا كلو
احمد: جنو جدو ابراهيم طلب يدك لي سامي رئيك شنو ولا نخليك بعد تتخرجي فكري براحتك
ابراهبم: قلع منو التلفون انت بتضغط علي البيت جيب التلفون دا جاي
هههههه واقسم بالله قلبو شكله لمن محنوني
ابراهيم: جنو قلتي شنو
جنو بهناك طارت من الفرح والدموع دي و جرت بالتلفون بره لي خالها و غلب الكلام ادت التلفون لي خالو حمزه و هي بتبكي و هو ما عارف الحاصل شنو شالو
الووو اهلين ابراهيم الحاصل شنو مالكم
ابراهيم: حمزه ازيك وين جنو
حمزه: والله قعدت تبكي وادتني التلفون ماعارفه مالا قيل في مصيبه
ابراهيم: ههههه قعد يضحك الحمدلله نحنا طلبنا يد جنو لي سامي وابوها وافق
احمد: با هناك حمر لي بتين انا قلت كدا
ابراهيم: ولا شتغل بي واصل كلامو اها ودايرين راي جنو اسئل لينا
حمزه: طبعا متفاجا لكن بعد كلام ابوها مافي قول
جنو تعالي حبيبت خالو موافقه
جنين: ايو موافقه موافقه موافقه والله موافقه و حضنت خالها وقعدت تبكي و تكورك فرجت فيهم الحله كلها
ههههههه
حمزه قلع التلفون قلع من نص البكاء دا عشان يرد على ابراهيم،،، اها يا ابراهيم البت موافقه الله يتم علي خير
بهناك طلقو الزغاريد خالده و سوسن و يبكو
واحمد يحمر ليهم ساي كلهم ههههههه
سامي و جاسر جو جارين و سامي رجليهو خدرو و نملو و خلاص الدموع رقرقو و جاسر بقي جاري من يدو لان وقف فجاء حاسي بان المسافه بقت بعيييييد علي شديد لحدي ما وصلو الصالون و قف قدامم خالده جات علي حضنتو وبقت تبكي و تبارك لي و هو يبكي معها خلصو بكاهم دا و هو لللسه ما مصدق نهائي،،،، مشي لي عمو احمد قعد في الارض قدامو راضي عننا يا عمو احمد ( وووووقسم بالله العظيم الادب والاحترام العندا الولد دا لو في 5 بس منو الدنيا كان اتغيرت) عمو احمد لمن داير يبكي من موقفو دا،،
قالي قوم يا سامي ياولدي انا موافق واديتك بتي ابقي علي عشره،،، قام سامي باس راسو و سلم على و قالي في عيوني والله العظيم عمري ما ازعل ولا اقصر منها في شي،،، و مشي لي خالتو سوسن باس راسها،،، و حضن ابراهيم وقعد يبكي غلبو تاني بقو يتباركو لي بعضم و زي الحلم
صبرت
واستنيت كتير اتمنى
أمني نفسي واقول
بكرة الجنة
ومن بعيد ياما
من جوا قلب بدعيلك معاي
نتهنى
رجعو بيتم شايلين فرح و حلف سامي الا يضبح علي الخبر السمح دا يستاهل الضبيحه اول مارجع البيت اتصل علي جنين و فتحو بيت البكاء هم الاثنين مافي زول مصدق
جنووو ياروحي بقيتي لي خلاص،،،، سمسمي انا ليك من زمان زي ما وعدتك انا احرم علي غيرك
و استمر الكلام بينم ،، واتفقو علي الجاي عليهم شنو
الحب الصادق في القلب الطاهر .. كزهرة في فصل الربيع ..
لا يأتيهاالصيف القاتل ولا يخدشها البرد القارص ولا يقصفها الخريف المدمر ..
والعقل الناضج بالحب الصادق ليس معطلاً ..
سامي عمل الكرامه و عزم كل الصحابو و معارفو ان خطب و كان مبسوط شديد و عارف يعمل شنو ويخلي شنو
🏃🏃 جرت الايام و جنين خلصت الترنك و رجعت خلاص و اجازتها باقي منها بس 10 يوم لان اكلتها كلها في الترنك
اول ما وصلت لاقت امها بالدموع الفرح و عاتبته لي ما قالت لي قصه دارسه سامي لكن عتاب الام محبه والحمدالله مشت الامور طيبه و عشان زمن جنين ضيق ابراهيم قال يعقدو ( طبعا دا علي قلب سامي زي العسل) و احمد كالعاده قال لا بعد معركه طويله وافق يعقد الاسبوع الجاي حاجه بسيط،،، هنا سامي ركب معاهم راس قال انا انتظرت اربعه سنه عشان اعمل عقد حاجه بسيطه نهااائي نعقد و حعمل حفله و عزومه عشاء وححجز قاعه و عمو احمد قال لا حفله لا خلو للعرس المهم الناس في النهايه احترم رئيو لكن العزومه في القاعه سامي رفض يتنازل عنها قال حيعمل اي شي هو،،،، مشو هو خالده السوق و جابو الدنيا و العالمين لي جنين عشان العقد و هديا لي امها و جنه و منتظرين اليوم اليهو سنين
.......................
........................
