#جنين3
بقلمي: جنان 📝
و حكت جنين لي رنا اي شي هي ديرا تطير من الفرح في شي جواها بتحرك بس هو شنو ما عارفه قفلت منها و بقت تفكر حتعمل شنو ولو امها عرفت ولو ابوها عرف بس بقت في صراع مع نفسها لكن قلبها اتغلب عليهو قالت الي يحصل يحصل و منتظر يوم الخميس ( يا يوم بكره ما تسرع تخفف لي نار وجدي 😂😂😂) سامي من الفرحه يشيل عبودي و يبوس فيهو و يلعبو و عبودي طبعن مبسوط و ساقو و طلع معاهو و (غايتو الحب دا بجنن رسمي) و رجع نفسياتو مرتاحه اتقول قالت لي موافقه اتزوجك والامل لسه في ههههههه و مشي بقي اسبوع و حاسي اليوم ماشي زي السنه و هو منتظر الخميس بتين يجي و جنين القرايه غلبت جرسه شديد امها بقت ملاحظه لي سرحان جنين طوالي سئلت جنين مالك يابت و ين الجوطه البتعملي ديك انتي عيانه لا يا امي ما عيانه كويسه شديد و الابتسامه للضرس وقامت باست امها طبعن الدهشة في الام لسه بس قالت الله يهديك سمح 😂😂😂😂 ( خالتو سوسن يا حليلك جنو بتحب في قصه حب 💕 عليك الله ما تكلمو ياخ خليهم يحبو) وقامت جنو مشت تقرا شوي و تحل واجبتها و اليوم باقي زي القرن
مالك يا يوم وقف كدا
ما تحرك العجل القف
وتسعجل الزمن التقا
و نامت معها اشوقا ليهو و حنين بيحضن امنيات و جاء الصباح و زي كل يوم المدرسه و هي كانت في تانيه ثانوي و طبعن اتلاقت هي ورنا و كالعاده بتحكي عن فارسه الجاء فجاء ( حب المراهقه جمييييل) بهناك سامي كاسر رقبتو في الشغل خلاص بدا يفكر في الموضوع جد ( ااااه يامل) و جاء يوم الخميس بالله الناس اتستحمت و اكلت و عملت اي شي من العصر استعجال شديد 😂😂😂😂 جات الساعه 8 اتصل سامي و جنين قاعده حارسه التلفون امها جات دا الما متوقع طبعن يابت مالك حارسه التلفون امي منتظر رنا ديرا اتونس مع شوي يابت قبيل ما كنتو في المدرسة سوا اي يا امي اتونس مع نفسي يعني سمح خيرر و مشت خلت حمدت الله بس ان التلفون ما دق ورن رن ررررن و مع كل رنه دقت قلبي بتسرع و لهفه وشوق بتسابق بعض ردت
جنين: فاتحه الخط و لا كلمه ما قادره تقول
سامي: الووو طبعن وهو خايف يكون زول غير جنين و كدا ضاع
جنين: و عليكم السلام ( وقعتي قلب الولد ياخ)
سامي: جنين لي ما بتردي انتي كويسه ( احييي حنين)
جنين :اااسفه ( قلبي لمن مات اسمي في خشمو ما ياهو حاجه اول مره اسمع بيها)
سامي: لا ما تتاسفي عادي كيف انتي و كيف اخبارك و مشتاق ليك ( جاط الكلام الزول دا😂😂😂)
جنين: الحمدلله كويسه ( نفسي اقول وانا ميته شوق عليك) اخخخ
سامي: مشتاق لك
جنين: الحمد لله كويسه
سامي: مشتاق لك
جنين: قلت ليك كويسه انا
سامي: بس انا قلت مشتاق لك مابردو علي كدا (ما تحرج البت انا زاتي اتحرجت هسي) ههههه
جنين: كيف ناس خالتو و عبودي ( زاااقت من الرد زكيه)
سامي: كويسين الحمد لله غلبت عبودي بس انتي كيف ناس بيتكم
جنين: كويسين الحمد لله جاسر اخوي سافر للجامعه
سامي: الله يوفقو يارب ( الناس ديل حيقعدو يتعابطو كدا كتير 😂😂😂 زهجوني)
ما حكيت ليك عن نفسي انا طبعن ما درست الجامعه لي ظروف عائليه وبقي يحكي لي في قصتو كلها ( الي نحنا عارفنها)
جنين: تسمع والدموع تقش فيها يا حليلا حنينه و قلب طيب
سامي: جنو انتي معاي
جنين: اي سمعاك
سامي :انتي اصلا كلامك بسيط كدا ( سجمك دي لسه ما انفتحت فيك نقناقه نقه)
جنين: لا والله بس كنت بسمعك
سامي: داير اسمعك طيب احكي لي عن جنين ( السرقت قلبي)
جنين: انا بدرس في تانيه ثانوي علمي وبس
سامي: قعد يضحك بس كيف بتحبي شنو بتكرهي شنو انا قصتي الكتيييره دي ما عندك زي ( بينو وبين نفسو ان شاء الله ما تشوفي الالم الانا شفتو تبري ياقلبي منو)
جنين: قلبي و جعني
سامي: تبري يا قلبي من الوجع لي مالك
جنين: ما كنت فاكره وراك في الم قدر كدا
سامي: كلو لي خير مافي شي الحمد الله قدرها
جنين: مافكرت تدرس عن بعد لي
سامي: مسوالياتي كبيره و غير كدا انا درست صناعي يعني لازم اكون في كليه عمليه
جنين: ان شاء الله ربنا يسهل ليك امرك ( البت دي عاقله كدا 😘😘)
سامي: احكي لي سامعك
جنين: ولاشي حياتي خاليه من اي شي روتين المدرسه الامتحانات ما قاعده اطلع صحبتي واحده رنا
سامي: وهسي حياتك في شي( هههههههههه)
جنين: سكوووووت كالعادة
سامي: جنين بتصدقيني لو قلت ليك اول مره حالي ينقلب و ما اعرف انا بقول شنو ولا بعمل في شنو ولا انا منو
مداخله عبودي جاء قلع التلفون و نط لي في الجلابيه( بالله يا عبودي دا وقتك)،،،،،،،،،،،،، ( حلات الجلابيه فيك يا طويل يا اسمر ابو عيون كحيله والسكسوكه تلخم) حالو تيب اتلم بابا
عبودي انزل حبيبي و شال منو التلفون و بدا الحفله بتاعت البكاء عبودي و جنين تضحك بهناك و سامي يحنس في عبودي في النهايه ادا التلفون يتكلم قال لي جنين اسمعي مافي حل
عبودي :الو بابا تيب شييسي بسي واو ( الترجمه،،شبس ببيسي حلاوه😂😂😂😂😂)
سامي خلاص يا عبودي كلمتو انا كنت حجيبم ليك يالله امشي لي ماما الفرحه بدت تظهر في عبودي ههههه و جرا
سامي: اسف يا جنو عبودي انتي عارفه براك
جنين: بالعكس بحبو شديد ظريف
سامي: طيب حبي خالو برضو والله ظريف و طيب و مسكين ليهو الله و عيشت العزابه
جنين: ههههههههههههه بتشحد
سامي: عشان انال رضاك بعمل اي شي
جنين: خلاص مع السلامه عشان ماما حتنتبه اني بحكي لي ساعه
الزمن بجري،،، لكن مع حبيبي بتمر الساعه زي الثانيه
سامي: اوكي خلي بالك من نفسك و حتصل عليك الخميس عشان تقري كويس ما تلخمي راسك
( بودعك ياروحي وما نفسي يكون بينا في وداع 👋)
جنين: سلام
سامي: في امان الله
ما كنت داير اقول سلام
لكن الله كريم بدي الصبر
والمشوار بديتو خطوه
والخطوه ليك الف ميل
قفلو و اي زول بقي ماسك التلفون حاضنو علي ( الحكايه شنو انتو قليلين قاعدين جوه التلفون 😂😂😂😂) جنين تنطط في السرير انا حبيييت ولا اي انا حنييت ولا اي و قعدت في نص السرير فجا بقت تبكي يا حليلك يا سامي الدنيا ظلمتك ظلم ياربي قدرني اشيل منو الالم (اصلو الالم ماببقي ليك) و سامي ما عندو غير عبودي لم في جضيم و بوس و يتونس مع و عبودي زي الزول بقعد يضحك لي 🤔🤔 و يخت يدو في خدو نظام فاهم ( غايتو عبودي يومك اسود حتتعب 😂😂😂) و سامي يقولي عبودي حبيتي حلوه حلا يالله تقسم لي طبعن عبودي بسئل حالو حلوه اي حلوه زي القمر يا عبودي حالو الله تيت تيت ابيه ( الترجمه خالو يالله نمشي بالعربيه تيت تيت) طبعن خالو في قمه فرحو لو قال طالع السماء بودي ساقو و مرقو يلفو بالعربيه و اشتري لي الشبس والحلاوه و قعدو في حديقه عبودي يجري ويلعب و سامي ساااارح في جنتو انتبه لي عبودي و بقي يفتش في و يجري با جاي و باجي لمن لقي عبودي بلعب مع شفع مصرين خاف خوف ساقو و رجعو البيت و نام كان اول مره في حياااتو ينوم غايتو لحق صلاة الجمعه في اخر لحظه و طبعن السبت هو شغال و لسه الفرحه فيهو و بنوم طبعن عشان يحلم با جنو ( الولد دا ما نصيح والله) العشاء دا انتظرو بعد تعب طبعن لا في كلام مع جنو ولا في اي شي عبودي بس و بخمدو جنبو بنوم سرح السرحه الياها في النوم زمن الدوام فوتو خالده اختو استغرقت الولد دا مالو ما قام و عبودي بنطط في راسو ما حس بي ( نوم اهل الكهف بس 😁😂😂😂😂) جات صحتو سامي سامي ساااااامي نط مخلوع مالك يازوله في شنو انت نسيت الدوام الساعه 9 شنووووووو جري جري الحمام الهدوم الساعه الشارع جاك زول نمشي نشوف جنين طبعن قاعده في حاله سرحان و تتبسم زي المجنونه و كل ما تزكر كلامو تقعد تتخجل ( يالله حسستني ان شايفه العواره خشوم بيوت) و بتييين يجي الاحد و تلاقي رنا عشان تحكي لي و حلفت كان تتصل علي عارفها عبيطه و بعدت اليوم كلو توهان و نامت علي زكراهو و صحت بدري من الصبح تنطط و سرحت شعر سبعين مره و غيرت الجزمه 10 مرات و الام تعاين ساي البت دي اخر صاموله عندها فكت خلاص يالله صبرني والبست عبايته وركبت اول زول في العربيه فرح شديد بتين تصل المدرسه عشان تحكي لي رنا......
يتبع.......
