#جنين10
بقلمي: جنان 📝
سامي سامي ياولد مالك في شنو جاري ولا اشتغل بيها بسم الله مالو الولد دا الله يستر و سامي دمعو جاريه ماشي يفتش لي حجز يمشي السودان تومو قطع من قلبو عمل حادث و ما كان قادر يقول لي اختو اي شي ( 😭😭😭😭 قلبي معاك) مشي فتش حجز ما لقي الا بكره بليل و يعمل شنو و يقع وين استسلم حجز و ما قادر يرجع البيت مع اخواتو بالتلفون بسئل علي اخوه قالو لي دخل عمليه مضروب في راسو و رجلينو وكسر في ضلعتين و انفقع بالبكاء زياده حاسي رحو بتطلع منو رجع البيت شكلو ما بتفسر و عبودي سبحان الله اول ما شافو قعد يبكي و هو ما صدق حضنو و يبكي مع الخلعه جابت خالده و ابراهيم مالكم في شنو و سامي ما قادر يتكلم و خلاث خالده قفدت اعصابه اخواني فيهم شنو اتكلم في شنو قالي سامر عمل حادث و بس وقعت في الارض تولول و تكورك و لسه هي ما عرفت شي ابراهيم يهدي و لا يهدي سامي غلبو عديل قام سامي قال لي انا حجزت بكره بليل ماشي و بدت العباطه انا زاتي ماشه معاك و تبكي ما خلت شي قال لي انا ما لقيت حجز الا بعد تعب مافي طريقه انا بمشي و ان شاء الله خير ( بطمن في و هو داير ال يطمنو) و الليل كلو شالتو خالده بكي وتتصل علي اخوانه تسئل كل شوي و سامي يحرق في رحو سجاره ورا التانيه يحرق فيها و حتي عبودي يا ناس اليله يبكي ساي زي الفاهم شي ( الخال والد احييي يا قلبي) كيف اصبحت ما معروف الزمن يتجرجر زي الفتران 🚶🚶 و خالده و سامي يغلو في جمر قام جهز شنطتو و حجاتو و لم القروش العندو و شاف لي طريقه قروش من ناس الشغل و طلب اجازه طارئه وراهم السبب اتعاطفو مع شديد بعد شافو حالتو ( كأن عدت علي سنة دا حته من قلبو كيف ما توجعو) ورجع البيت حارس الزمن لقي خالده تبكي ساي الاكل دا في خشم ما دخلو ابراهيم جاء ادء سامي قروش رفض يشل منو زعل منو شديد و خالده بقت تحنس في ما شتغل بيهم ( عزت نفسي مابيه علي وابراهيم ما قصر معاي في اي شي كفايه كدا) خالده قالت لي ابراهيم دا بقي لينا ابو و اخو قبل يكون راجلي انت ما تحسس منو قالي انا عندي قروش لو انقطعت بكلمكم غايتو الكلم ما اثر مع كتير و ما ركز معاهم و جاء الزمن مشي المطار و خالده و عبودي معاهو طبعن عبودي بكاء بكاء ما طبيعي هستر عديل لمن سامي خاف علي قعد يحنس فيهو ان ماشي يجيب لي لعبات و جاي و هو ماسك دموع بالغصب عبودي غالي علي طااااارت الطياره و قلبي طار معها.......
يتبع......
