#جنين5
بقلمي: جنان 📝
بسم الله بسم الله دا شنو الحلم دا قعد في نص السرير يدعي يا ربي تقسم لي يالله تكون من نصيبي ( الود جنا رسمي 😢😢😢)
بنتمني و المني ما كل شي
المكتوب على الجبين لازم تشوف العين
مشي اتوضي و صلي و لسه بدعي لمن دموعو نزلو( احييي قطع قلبي 😥😥) استغفر و قعد يلعب مع عبودي والروتين ياهو ما بتغير بس بكون منتظر يوم الخميس 😂😂😂 السر بس في يوم الخميس ( ملاحظين معاي العالم كلو اي شي بعمل يوم الخميس العرس الحنه الفسحه العطله الشكله زاتها بقو ياجلو لي نهاية الاسبوع 😂😂😂)
جنين بهناك مهروس هرس في القرايه امتحنتها قربت بقت مشتت شديد تفتح الكتاب سمسم قاعد تقفلو سمسم تنوم تحلم با سمسم ( يا سمسم القضارف الزول صغير و ما عارف،،، قليب الريد كل ما هديتك شارد،،، حبيب بريدك ريده،،، ريت الحمامه لي وليدها) غرت منهم انا عدييييل لي كدا لي بتعملو فينا كدا 😢😢 قامت اتوضت وصلت و بقت تدعي الله احفظو لي واجعلو من نصيبي الدموع في طرف العييين ( الناس ديل بكاين بكاء) و الروتين ماشي زي ما هو يا يوم بكره ما تسرع تخفف لي نار وجدي،، رنا متابعه معاهم القصه حافظه الجدول ما بتتصل نهائي الا يوم الخميس عشان تعرف الشمار و مستعد تجي تبيت معها عديل ( الشمار القتل الحمار) اما جنه المفعوصه مركزه مع التغيرات بتاعت جنين و تمشي تحكي الشمارات اول با اول لي امها ( مراسلكم قناة الجزيره ابكر ادم احمد حسين الشهييير با ابكرووووونا😂😂😂😂) طبعا الام مبسوطه بيها بقت رايقه و هادئه لكن السر شنو ما عارفه و قدر ما حاولت تستنتجد من كلام جنه حاجه ما عرفت شي نست الفكره بكره الخميس جاهزين يالله نوم بدري عشان ننتظر المكالمه ( اصلنا بقي ما عندنا موضوع غيرم 😂😂😂😂😂)
