#جنين17
بقلمي: جنان 📝
وبقو يفتشو في سامي مافي زول عارفو مشي وين
عبودي جاهو التهاب و تعب شديد في اليومين ديل لان ما بياكل و رافض الدواء بس ببكي خالو خالو بعد 3 يوم فتح الباب جاء داخل
خالده: سامي الحمدلله انت كويس مالك عامل كدا كنت وين
سامي ماشي ما رد علي و بدخل و بمرق بفتش في عبودي با صمت خالده عرفتو بفتش في عبودي
سامي عبودي راقد عيان من اول امس عندو التهاب و ماراضي ياكل ولا ياخد الدواء و ببكي بس
سامي: وين جيبي لي يا خالده
خالده: دقيقه اجيب ليك جوه في غرفتي ( طبعا من الادب ما بدخل غرفته بتاعت النوم)
جات شايله عبودي شالو منها و عبودي من التعب ما قدر يعمل حركاتو ديك بقي يبكي حضنو علي و بقي يقول لي اعفي لي انت البقيت لي اعفي لي حبيبي
سامي: خالده امسك لي خليني اعمل لي سندوتش ياكل و عصير واجي
خالده: انا بعمل لي و بجيب ليك
سامي: لا انا بعمل لي و عبودي قال ما نازل منو خايف يمشي تاني ما يجي برضو ساقو مع المطبخ ( عبودي بحب الجبنه بالمربي و عصير البرتقال) عمل لي و جاء شالو ياكلو اكل منو و شربو الدواء و رقدو مع في السرير و ساكت ما بتكلم نهائي
خالده: سامي انا بسئلك كنت وين وفي شنو
مارد علي مشت خلتو
وبقي في الحال دا يمشي الشغل يجي من الشغل ساااكت مافي كلام نهائي بس مع عبودي وعدت 5 شهور بالطريقه دي و مافي تواصل بينو وبين جنين نهائي
بهناك جنين ماعندها حاجه غير القريه و حياتها بقت باهتها جدا و كئيبه و خالتو سوسن يا حليلا واقفه معها و بتحالو تخفف قسوه ابوها عليها
عمو احمد جاهو احساس ان جنين اتغيرت من بعد الحصل و دا اكد لي ان في حلقه مفقوده هو ما فهمه لكن مؤكد ان جنين كانت عايزه سامي وبقي تصرفاتو مع جنين قاسيه جدا ( عمو احمد شايف ان دي الطريقه الصح عشان جنين ما تفكر في شي غير الدراسه بس للاسف حيضيعه كدا)
قربت مواعيد ولادت خالده و خالتو سوسن بقت تجيها طوالي عشان تجهز معها بس جنين ممنوعه من الطلعه نهائي و سامي كل ما تجي خالتو سوسن كان في عيون سؤال وين جنين و خالتو سوسن با حسسها بطمنو بتتكلم قدامو ان جنين يتدرس فضل لي شهرين بس من الامتحانات و هالكه نفسه عشان تجيب نسبه كويسه كان بيرتاح با كلام خالتو سوسن لكن مافي زول بغطي الفراغ السابتو جنين في قلبو
و لدت خالده و كانت مع خالتو سوسن في المستشفي و الحمدلله طلعت بالسلامه جات بنوته زي القمر سمتها منو(___) دي كانت اكبر منقذ لي جنين عشان تشوف سامي بعد رجعت خالتو سوسن البيت قالت حتمشي تقعد مع خالده اسبوع لان ما مع زول يولده بعد السمايه بتجي
عمو احمد: تمام بكره بوديك الصباح
خالتو سوسن: جيب البنات العصر يباركو لي خالده و يشوف البيبي
عمو احمد: بجيب جنه بس جنين خلي تكمل دراسته
خالتو سوسن: حنحبس البت يعني 5 دقايق ما حتسقط
عمو احمد: سوسن جنين ما حتمشي تمام
خالتو سوسن: اي حاجه با طريق ما تلخبط الامور برضو يوم السمايه حتمنع تمشي دا الصح الاتعلمنا نفسي اعرف موقفك شنو من الولد دا ولي انت رافضو انا معاك جنين لسه صغيره بس دا ما سبب لي الزعل والتزمر الانت فيهو دا
عمو احمد: الموضوع دا ما وقتو
خالتو سوسن: لازم اعرف انا كلام القلتو دا بالنسبه لي ما مقنع والبت دي بتي زي مابتك
عمو احمد: ياستي انا شايف ان ما مناسب ليها نهائي باكل المقاييس
خالتو سوسن: كيف ما مناسبه مستوي المادي قصدك من بتين نحنا بنقيم الناس بالمادة يا احمد
عمو احمد: ابدا مستوي التعلمي زول امتحن بس الشهاده و لي قدام حيحصل شنو ما عندو اي شي يرتكز علي و جنين ما شاء الله علي طموح علي و مستوي كويس و حتدخل الجامعه ماممكن ادفن مع زول ما عندو شهاده ولا مستقبل
خالتو سوسن: بالله انت بتفكر كدا يا احمد القلم ما بزيل بلم انت اتخرجت من جامعه وقت جيت اتقدمت لي مابعد ولدنا اولادنا ديل كلهم حتي فكرت ترجع تقرا عن بعد انا رفضتك عشان كان ماعندك شهاده ابوي رفضك قال ما عندك مستقبل
عمو احمد: ما تلخبطي الامور الزمن اتغير والشهادة سلاح للراجل بزات
خالتو سوسن: راجع نفسك في قرارك دا لان اكبر غلط تحكم علي الولد كدا عشان الظروف ما سمحت لي وانت عارف الظرف شنو
عمو احمد: ما مجبور اتحمل ظرفو علي حساب بتي هسي هو شغلو كويس و وضعو كويس لكن الشهاده مهم جدا
خالتو سوسن: تاني لمن يجي يتقدم لي بتك راجل اطلب منو شهادات لان دي صفقه بتعقد ما عرس
عمو احمد: سوسن الموضوع دا انتهي ياريت ما نتكلم في اكتر من كدا
طلعت منو وقلب واجع علي بتها حتعمل شنو و حتقول شنو و وعدتها تقيف معها ياربي دبرني بتي ما داير اخسرا
صبح الصباح و مشت لي خالده و قعدت معها و سامي شوي ارتاح لمن شافه و هي بتحكي طوالي با جنين وقلبي علي لان ملامحو اتغيرت و ضعف والبسمه الكان بقابل بي اي زول راحت منو و عبودي مشغول مع البيبي الجديد شايفو لعبه 😂😂
جرت الايام و جاء يوم السمايه خالتو سوسن اتصلت على عمو احمد الو احمد جيب البنات جنين و جنه جنين لازم تجي عيب مننا
عمو احمد: حاضر سلام
مشي البيت جنين جنه اجهزو عشان تمشو معاي ناس عبودي
ما اوصف ليكم فرحه جنين قدر شنو لمن قعدت تبكي جهزت بسرعه لان همها بس كان تشوف سامي لا لبس ولا قصص و جهزت جنه الكانت بتثاقل تطلع لبسه و تخت لبسه لا دي لا ما دي،،، جنين يازفت جنه سريع ياخ،،، جنه طيب خلاص قربت
بهناك خالتو سوسن ساكته اصلا ما قالت جنين جاي و سامي شغال مع بساعد في شغل المطبخ و بترسل لي و جهز لي في الكبابي والحجات و يتونس معها لان حاسي بيها متحسس من الموضوع ( يا حليلو اريتو ولدي) يدق الجرس الباب
خالتو سوسن: سامي ياولدي امشي شوف الباب
سامي: حاضر
خالتو سوسن دخلت طوالي الغرفه لي خالده عشان تدي مجال لو شاف و عايز يقول شي ( الام دي عسل جدا اتاكدي يا خالتو سوسن جنو ما بتخون ثقتك دي نهائي و حتكون قدر 😘)
فتح الباب وفي راسو مافي توقع ان يشوف جنين لمن رفع راسو وشاف دموعو بقت في طرف العين و جنين اصلا بكت
والحمدلله جنه شلاقه و اقفه قدام سامي ما شايفه جنين واراها
جنه: شنو يا سمسم ما شيفني
سامي: جنونه هلا حبيتي اتفضلي
جنه: زح لي ادخل امشي اشوف البيبي
سامي: اتفضلي طوالي
قامت جاري دخلت والحمدلله خلت ليهم الجو فاضي
بقي واقف يعاين لي جنين و هي دموع نازل مسك من يدها دخل جوه و هو ساكت وهي ساكته
سامي: اشتقت لك و بتبكي لي هسي
جنين: عشان انت ضعت مني
سامي: انتي ما لي غيري افهمي الحته دي اول وانا ساكت عشان انتي ممتحنه بس لكن انا عمري ما اتخلي عنك
جنين: انا اسفه ما كنت متخيل رد بابا حيكون كدا
سامي: ما تتاسفي من حقو يقول كدا الي عندو بت زيك ما بطلع بالساهل انا حاسدو عليك 😂😂جدا انا اخترت زمن ما مناسب بس دا مامعنها اني تاني ما حجي راجع لي حرجع بس منتظراك تخلصي امتحانات ونتيجتك تطلع صدقيني انا حموت لو انتي مالي
جنين: جدا يا سامي انا افتكرتك خلاص زعلت من كلام بابا
سامي: حبيبي ما تقوالي كدا انا ما بزعل من حته منك لو مهما عمل فيني و الي عايز حاجه بعمل المستحيل عشان يصل ليها حرجع لي عم احمد يا اقنعتو يا اقنعني رافضني لي بس انتي ما تشتغلي بالك خلي بالك من دراستك بهمني انك تنجحي وتبقي الاولي
جنين: فقداك و ماعارفه اعمل شي من غير وجودك معاي نفسيتي تعبانه و ماعارفه اطمن عليك كيف
سامي: ما اكتر مني يا روحي انتي الفرحه في حياتي و عدم و جودك بقت حياتي كل يوم نفس البعدو باهته بائسه بس صابر واملي في ربنا كبير
جنين: امشي اسلم على خالده وماما حتفقدني
سامي: كلمنا ما انتهي وانا جد ما شبعت منك دي 5 شهور ما شفتك ولا سمعت صوتك
جنين: انا كمان اشتقت لك حمشي
( دا كلووووو و هو لسه ماسك يدها ملاحظين معاي انتو يشيلنا السيل نحنا)
دخلت جوه تسلم و تبارك و تشوف البيبي
الف مبروك البنوته تتربي في عزكم ودلالكم
خالده: تسلمي حبيتي الله يبارك فيك تعالي شيلي
جنين: بخاف من الشفع الصغار بحس تقع مني
سوسو حبيتي بقيتي غاليه عدييييل اشتقنا ليك
خالتو سوسن: قلت اخليكم تشتاقو لي 😂😂😂
جنين: نحنا ولا احمد برضو
خالتو سوسن: جد ما بتبطلي قلت ادب امشي علي المطبخ معاي سريع نخلص قبل المغرب يجي والناس تبدا تجي
مشو المطبخ و خالتو سوسن تعاين لي جنين ديرا تفهم من عيون الفرحه الفيها ولقت وعرفت السبب الرايح ليها وضح
خالتو سوسن: جنو لقيتي سامي
جنين: اي في الباب فتح لينا
خالتو سوسن: بس كدا
جنين: ايوا زاقت من الكلام امي امشي افرش غرفت الضيافه والصالون و ملا الشيلات تمام
خالتو سوسن: اوكي ما حبت تضغط عليها
مشت تفرش و ترتب الحجات و سامي قعد يساعده و يتونس
جنو ياروحي جد ما مصدق انا انتي شغالين سواء اخخخ ان شاء الله الحظه دي ما تنتهي ما عارف حلاقيك تاني بتين
جنين: سمسمي عايز منك طلب ممكن
سامي: عيون سمسم انتي ما تطلبي انتي تقولي بس وانا علي انفذ
جنين: تسلم لي يارب عايزك تتصل على يوم الخميس الجاي ضروري ممكن
سامي: حاااااااضر بس الحاصل شنو
جنين: لازم تتصل على يكون في شي حاصل عايزه اطمن با وجودك عايزه اتكلم معاك
سامي: ياريت اقدر اخطفك من الدنيا دي كلها و نعيش برااااااانا ياريت يبقي من حقنا نقرر برانا
